رێژيمێ جڤينهكه بهرفرهه ژبۆ ئێلێن حهسهكێ لدارخست
ARKNEWS: ئێلێن پارێزگهها حهسهكێ تهكهزی ل سهر سهروهریا سوریێ وپشتگریا ئارتێشا رێژیما سوریێ كرن , ههروهها بانگا تهڤلیبونا جوانان دناڤا ئارتێشا رێژیمی ده دكن ..
ل گوندێ جرمز یێ ب سهر باژارێ قامشلۆ ڤه ههڤدیتنهك دناڤبهرا ئێلێن پارێزگهها حهسهكێ ده هاته لدارخستن تێده ههژمارهك ئێلێن دهڤهرێ ئامهدهبوون و د داویێ ده داخویانیهك بهلاڤ كرن تێده تهكهزی ل سهر گهلهك خالان كرن .ئهو ژی ئهڤن:
یهك: پاراستنا سهروهریا سووریێ ژ دێركێ ههتا دهرعایێ .
دو: پشتگریا ئارتێشا رێژیما سوریێ د شهرێ تهرورێ ده ..
سێ: دڤێ چهك ل پارێزگهها حهسهكێ تهنێ د دهستێ رێژێمێ دهبه.
چار: داخواز ژ جوانێن پارێزگههێ وهره كرن ژبۆ تهڤلی ئارتێشا رێژێمێ ببن
پێنج: بانگ ل كورێن پارێزگهها حهسهكێ یێن خهباتكار ژبۆ هلبژارتنا بژاردهیا نشتمانی سوری د دانوستاندنان ده
شهش: داخوازا دوباره ئاڤاكرنا دهزگههێن حكوومی وئهكتیڤكرنا وێ .
حهفت: رهدكرنا ههبوونا بیانی د سوریێ ده .
د ڤێ جڤینێ ده شێخ و سهرۆكێن ههژمارهك ئیلێن پارێزگههێ ب ههموو پێكهاتهیێن خوه ئامهده بوون كو سهمیر مهستهفى پاشا ژ ئێلا كوچهران یا دهڤهرا دێركێ ژی بهشدار بوو وتهكهز كر كو بهشداریا وی د ڤێ ههڤدیتنێ ده وهكو پشتگریهكێ ژ ئارتێشا رێژیما سوریێ ره یه كو خوه كرن قوربانی دا كو خاكا سوریێ یهك پارچه بمینه .
بهشداربویان تهكهز كرن كو ئهڤ ههڤدیتن دهرفهتهكه ژ وان كهسێن كو ژ رێیا خوه دهركهتنه دا كو ڤهگهرن همبێزا وهلات وبهشداریێ د پرۆژهیا سهركهفتن ودورباره ئاڤاكرنا ژێرخانهیا كو تهرورێ خراكریه بكن
ئهڤ ههڤدیتن د دهمهكێ ده تێ كو چهكدارێن پهیهدێ یێن كو ئیدعائێ دكن كو كوردستانا سووریێ برێڤه دبن دهست براكرنا ئال و وێنه و سلۆگانێن خوه ل باژارێن قامشلۆ وحهسهكێ كرنه وبهحسا ڤهگهرا رێژیما ئهسهد تێ كرن .
ئلهام ئهحمهد سهركردهیا ئهنجومهنا سووریایا دیموقراتیك یا بسهر پهیهدێ ڤه دبێژه دانوستاندنێن وان ب رێژیمێ ره ل تهبقایێ ههنه ژ بۆ ڤهگهراندنا كارمهندێن بهنداڤا رهقایێ وتهكهز كر كو ئهوو ئامادهنه بێ مهرج دانوستاندنان ل گهل رێژیمێ بكن .
ههروهها مهیس كرێدێ سهركردهیهكه ئۆپۆزسیۆنا هندر كو نیزیكێ رێژیما سوریێ یه د ههڤدیتنهكێ ده ئهشكهرهكربوو كو دانوستاندن ل سهر ئاستا ئهولهكاری و لهشكهری ناڤبهرا رێژیم و پهیهدێ ده ههنه
463
