د ڤێ مەهێ دە قسد 176 تەرۆریستێن داعشێ سەربەست بەردانە

قسد و پ ی د د سەربەستبەردانا تەرۆریستێن داعشێ ژ زیندانێن خوە دە بەردەوامن ژ دسەتپێكا ڤێ مەهێ ئانگو گولانا دوهەزار و نۆزدەهان تا نها، قسد 176 تەرۆریست سەربەست بەردان.

رۆژا شەمیێ 25.05.2019 و پشتی ناڤبێنكاریەكێ ژ هۆزێن دێرازۆرێ و لخوەگرتنا كەفالەتا تەرۆریستێن گرتی، قسد 89 تەرۆریستێن داعشێ سەربەست بەردان.

ژبۆ سەربەستبەردانێ مەراسیمنە تایبەت هاتن لدارخستن كوت ێ دە، غەسان ئەلیووسف هەڤسەرۆكێ ئەنجومەنا دێرازۆرێ گۆت ئەوێ دەرفەتێن كار ژبۆ سەربەستبەرداییان پەیدابكن، و رۆلا هۆزێن ناڤچەیێ ژبۆ سەربەستبەردانا گرتیان ب گرنك بناڤ كر.

هەر د وان مەراسیمان دە بەردەڤكێ ئێلا عگێدات شێخ جەمیل مەحوود ئەلهفل گۆت نها ئەو كار لسەر سەربەستبەردانا 553 گرتیێن دن دكن.

رۆژا پێنشەمێ 16.05.2019 چەكدارێن هسد 44 تەرۆریستێن داعشێ لژێر ناڤنیشانا دەستپێشخەریا نیازێن پاك، ژ زیندانێن خوە سەربەست بەردان، و ژبۆ سەربەستبەردانێ مەراسیمەك لدارخست.

رۆژا یەكشەمێ ژی 12.05.2019 ل گوندەوارێ دێرازۆرێ چەكدارێن هەسەدێ 43 گرتی ژ تەرۆریستێن داعشێ كو بتۆمەتا ئەندامەتی و هەڤكاریا داعشێ هاتبوون گرتن ب دەستپێشخەریەكێ لژێر ناڤێ پێشكێشكرنا نیازێن پاك سەربەست بەردان.

بەریا نها ژی چەكدارێن پەیەدێ و قسد بهتری هەزار و پێنسەد تەرۆریستێن داعشێ سەربەست بەردانە، د وی دەمی دە كو هین چارەنڤیسا ب سەدان ژ وەلاتیێن كورد كو ژ ئالیێ داعشێ ڤە هاتبوون رەڤاندن نەدیارە.

بەریا نها ژی رەوانگەها سووریێ یا مافێ مرۆڤان بەلاڤكربوو كو رێژەیەكە بلند ژ تەرۆریستێن داعشێ كو سەربەست تێنە بەردان تەڤلێ چەكدار و هێزێن ئەولەكاری یێن لناڤچەیێن ژێر كۆنترۆلا قسد دبن نەخاسم ل باژارۆكێ عێن عیسایێ.

ژبۆ رزگاركرنا رەقا، تەپقا، منبج و گوندەوارێ دێرازۆرێ ب هەزاران ژ جوانێن كورد كو ژ ئالیێ پەیەدێ ڤە هاتبوون لەشكەركرن شەهیدبونە، و بەردەوام پەیەدێ وان تەرۆریستێن داعشێ كو دەستێ وان د شەهیدكرن و رژاندنا خوینا جوانێن كورد دە هەیە، سەربەست بەرددە.

521