ابراهیم برۆ: ئەنەكەسی وپەیەدێ ل سەر دەستپێشخەرییا فەرەنسایێ ئەرێ كرنە
ئەندامێ كۆمیتا پەیوەندیێن دەرڤە یێ ئەنجوومانا نشتیمانیا كوردی ل سووریێ (ئەنەكەسێ)، ابراهیم برۆ، گۆت دڤێ ل رۆژئاڤایێ كوردستانێ هلبژارتن چێ ببن و خەلك رێڤەبەرێن خوە هلبژێرە.
هەروها برۆ دەربارێ دەستپێشخەریا فەرەنسایێ دناڤبەرا ئەنەكەسێ و پەیەدێ دە ، دا زانین، كو هەتا نها تو گاڤ نەهاتیە ئاڤێتن و تەنێ هنەك هەڤدیتن چێ بوونە.
برۆ راگهاند كو ئەنەكەسێ و پەیەدێ ل سەر وێ دەستپێشخەریێ ئەری كرنە ، لێ تەڤی وێ یەكی ژی ، هین پەیەدێ تو گاڤ ژبۆ ئاڤاكرنا باوەریێ نە ئاڤێتنە ، و لهەڤكرن تەنی ب گۆتنان چێ نابە ، هەتا نها گرتن ، دەرسینۆركرن و كۆچبەر كرن ژ ئالیێ پەیەدێ ڤە تێ كرن، زێدەتری هەشت سەد هەزار كەس ژ هەرێمێن كوردی كۆچبەر بوونە و پرانیا وان ژ دەست كریارێن پەیەدێ كۆچبەر بوونە.
هەروسا ابراهیم برۆ گۆت، دڤێ پەیەدێ گاڤنە پراكتیكی باڤێژە و خەلك ڤەگەرە و د پێشەرۆژی دە هلبژارتن ژبۆ رێڤەبرنا ڤێ هەرێمێ چێ ببن.
411
