د هەیاما یەك حەفتیێ دە لباژارێ ئدلبێ 48 سڤیل هاتنە كوشتن
ارك نیوز .. بەرەڤانیا سڤیلا سوری هەژمارا قربانیێن ئێریشێن رێژیما ئەسەد و روسیا لسەر باژارێ ئدلبێ و گوندەوارێ وێ ئەشكەرە دكە كو لگۆری بەلگەكرنا وێ د هەیاما حەفتیەكێ دە بێهتری چل و هەیشت وەلاتیێن سڤیل جانێ خوە ژ دەست دانە و بێهتری سەد و سیه و دوو كەسێن دن برینداربوونە .
هەروەها بەرەڤانیا سڤیل ئەشكەرە ژی كر كو د حەفتیا داوی دە ئانگۆ ژ رێكەفتا نۆزدەهێ مەهێ تا نها رێژیما ئەسەد بێهتری 629 ئۆپەراسیۆنێن ئەسمانی و 285 بەرمیلێن تەقینە و 2151 مووشەك لسەر باژارێ ئدلبێ و گوندەوارێ وێ ئەنجام دایە ، وسەربار كر كو د ئەنجاما وان ئێریشان دە بێهتری سیه و پێنج شەوتاندن و سێ كومكوژی هاتن پێكئانین .
تیما بەرەڤانیا سڤیل دا زانین ژی كو رۆژ ب رۆژ بالافرێن شەركەر یێن روسیا و رێژیما ئەسەد ئێیشێن خوە لسەر دەڤەرێن لباكورێ سوریێ بتایبەتی ئدلبێ گوورتر دكە هەڤدەمی روودانا شەر وپەڤچوونێن تووند ناڤبەرا چەكدارێن رێژیمێ و گرۆژین چەكدار یێن بسەر ئۆپۆزسیۆنا سوریێ لگوندەواری حمایێ .
ژ ئالیێ خوەڤە تیما هەڤرێزكارێن بەرسڤدانێ كوشتنا شەسەد و پێنجی سڤیلی لسەر دەستێ روسیا و رێژیما ئەسەد ژ دەسپێكا ئمزەكرنا رێكەفتنا سوتشی دەربارێ ئدلبێ ناڤبەرا توركیێ و روسیێ دە د حڤدەهێ ئیلوونا بوری و تا نها بەلگەكریە و گۆت كو د هەیاما چار مەهێن بووری دە ژبەر گووركرنا ئێریشیان ژ ئالیێ رێژیم و روسیا و بلندبوونا ئاستێ شەر لباژارێ ئدلبێ بێهتری نیڤ مەلیۆن كەس دەڤ ژ مال و ملكێن خوە بەردانە و دەربەدەری دەڤەرێن ئارام بوونە وسەربار كر كو تا نها ئەو پێلا دەربەدەریێ ژ ئالیی خەلكێن دەڤەرێ ڤە بەردەوامە .
تیما هەڤرێزكارێن بەرسڤدانێ د هەمان راپۆرتا خوە دە دیار كر كو د هەیاما ناڤبەرا دووێ سباتا بووری تا بیستێ ڤێ مەهێ چارسەد و نۆت ودوو سڤیل دناڤ واندە سەد و چل وچار زارۆك ژی هەبوون ژیانا خوە ژ دەست دانە كو ژ وێ هەژمارێ 366 ل ئدلبێ و 110 ل حمایی 14 ل حەلەبێ و2 قربانی ل لازقیێ .
ئۆپەراسیۆنا لەشكەری یا رێژیما ئەسەد لسەر دەڤەرێن لباكورێ سوریێ دەرباسی هەیڤا خوە یا چاران بوویە كو چەكدارێن رێژیما ئەسەد ژ ئالیەكی و بالافرێن شەركەر یێن روسی ژ ئالیەكی دنڤە ژ دەسپێكا سباتا بووری و تا نها د ئارمانجكرنا سڤیل و ژێرخانە و ئاڤاهیێن تەندروستی و دبستان و مزگەفتان دە بەردەوامە كو د ئەنجاما وان ئێریشان ب سەدان سڤیل بوونە قربانی سەرباری روودانا زیانێن مادی مەزن لسەر مال وملكێن وەلاتیێن وێ دەڤەرێ .
302
