ئیران گەفا بنئاڤكرنا كەشتەیێن ئەمەریكی ل رۆژهەلاتا ناڤین دكە

ارك نیوز .. پشتی كو سەرۆكێ ئەمەریكا دۆنالد ترامپ د كونگۆەكی رۆژنەمەڤانی دە راگهاندبوو كو ئەگەر پێویست ببە ژبۆ بەرسڤدانا گەفێن ئیرانێ ئەو ئامادەمە كو لەشكەرێن زێدەتر بشینن رۆژهەلاتا ناڤین , وەزیرێ دەرڤە یێ ئیرانێ گۆت كو بریارا ئەمەریكا ژ شاندنا هەزار و پێنسەد لەشكەرێن ئەمەریكی بۆ رۆژهەلاتا ناڤین گەفەكە ژ ئاشتیا ناڤدەولتی رە .

محمد جەواد زەریف وەزیرێ دەرڤە یێ ئیرانێ ژ ئاژانسا الانباء یا ئیرانی رە گۆت كو هەبوونا ئەمەریكا ل رۆژهەلاتا ناڤین مەترسیەكە مەزن لسەر ئاشتی و ئەولەهیا ناڤدەلتی دروست دكە وپێویستە روبروبونا ئەمەریكا وەرە كرن .

بەریا چەند رۆژان سەرۆكێ ئەمەریكا راگهاندبوو كو ئیران وەلاتێ كو سپۆنسەریا تەرۆرێ دكە و هەر پرسگرێكەك لرۆژهەلاتا ناڤین روو بدە ئیران بەرپرسە و گۆت كو ئەگەر پێویست ببە ژبۆ بەرسڤدانا گەفێن ئیرانێ د وێ دەمێ دە ئەو ئامادەنە لەشكەرێن زێدەتر بشینن رۆژهەلاتا ناڤین .

ژ ئالیێ خوە ڤە بەرپرسەكی ئیرانی پلە بلند پشتی ڤێ بریارا ئەمەریكی گەف ل وەلاتێ ئەمەریكا خوەار و گۆت كو ئیران دكارە تەڤایا كەشتێن جەنگی یێن كو ئەمەریكا شاندیە رۆژهەلاتا ناڤین تێك ببە .

جنرال مرتەدا قربانی راویژكارێ سەركردایەتیا لەشكەری یا ئیرانێ ژ ئاژانسا میزان یا ئیرانی رە راگهاند كو ئەمەریكا بریارا شاندنا دوو كەشتەیین جەنگی یین دن ژبۆ كەنداڤا عەرەبی دا لێ ئەگەر ئەمەریكا توو شاشتی كر، د وێ دەمێ دە وەلاتێ ئیرانێ وێ بتووندی بەرسڤێ بدە و وێ تەڤایا كەشتێن وێ یێن جەنگی لگەل تیمێن وێ ب رێیا چەكێن نەهینی رە بتەمامی بنئاڤ بكە .

هەروەها قربانی ژ هەمان ئاژانسێ رە ئەشكەرە كر وگۆت كو مەرەم و ئارمانجا ئەمەریكا ژ شاندنا هێزان رە بۆ رۆژهەلاتا ناڤین ئەوە كو بەرەڤانیا خوە یا لەشكەری لدژی ئیرانێ بهێزتر بكە .

ئەڤە زێدەتری جارەكێ یە كو سەرۆكێ ئەمەریكا هشیاری دایە ئیرانێ و گۆتیە ئەگەر وەلاتێ ئیرانێ لدژی بەرژەوەندیین ئەمەریكا كار بكە د وێ دەمێ دە وێ ئیران راستی هێزەكە مەزن بێ.

953