رێژیما ئئەسەد ئارمانحكرنا گوندەوارێ ئدلبێ دە بەردەوامە

ارك نیوز .. هێزێن رێژیما ئەسەد رۆژ ب رۆژ ئێریشێن خوە لسەر دەڤەرێن لباكورێ سوریی دە گوورتر دكە و د ئارمانجكرنا سڤیل و ژێرخانەیێن دەڤەرێ دە بەردەوامە كو د ئەنجامێ دە رۆژانە قربانی دناڤبەرا كوشتی و برینداران دە دكەڤن .

چالاكڤانێن دناڤا باژارێ ئدلبێ دە راگهاندن كو بالافرێن شەركەر یێن رێژیما ئەسەد ژ ئالیەكی و یێن روسیێ ژ ئالیەكی دنڤە د بومبەبارانكرنا باژارێ ئدلبێ و گوندەوارێن وێ دە بەردەوامە یا هەری داوی ژی كو بالافرێن رێژیمێ هەر یەك ژباژارۆكێ جبل الزاویە و دەردۆرا باژارۆكێ كفرنبل و كنسفرا بتوندی ئارمانج كر كو د ئەنجامێ هەژمارك سڤیل جانێ خوە ژ دەست دان لگەل كەتنا هەژمارەك بریندار كو زارۆك ژی دناڤ واندە هەبوون .

هەمان چالاكڤانان ئەشكەرە كرن كو ژبلی ئارمانجكرنا سڤیلان ب ئاوایەكی راستە راست ، چەكدارێن رێژیمێ هەژمارەك ناڤەندێن خزمەتگوزاری و ئاڤاهیێن تەندروستی و هەژمارەك دبستان كرنە ئارمانج و بتەمامی هاتن رووخاندن .

هەر لگۆری هەمان ژێدەران دانە دیاركرن كو رێژیما ئەسەد و روسیا د برۆسەیا خوە یا لەشكەری دە لسەر باشورێ گوندەوارێ ئدلبێ دە بەردەوامە بتایبەتی باژارۆكێ الهیبت یاكو ژبەر ئارمانجكرنا وێ بئاوایەكی تووند و یەردەوام بوویە باژارۆكەك وەیرانكری سەرباری بومبەبارانكرنا هەژمارەك باژارۆك وباژارۆكێن دن ل دەڤەرێ كو د ئەنجاما وان ئێریشان دە هەژمارەك كوشتی وبریندار كەتن سەرباری روودانا زیانێن مادی مەزن لسەر ملكێن وەلاتیان .

هەر لگۆری ژێدەرێن خوەجەهی دناڤا باژارێ ئدلبێ دە ئەشكەرە كرنە كو هەر جارا كو رێژیما ئەسەد د هەلێن خوە یێن پیشكەتنێ دە لباكورێ سوریی بسەر ناكەڤە و توو پیشڤەچوونان بدست خوە ڤە ناینە ئۆپەراسیۆنێن خوە یین ئەسمانی زێدەتر دكە و بتووندی وان باژاران بومبەباران دكە كو ژ ئالیی خوە تیمێن بەرەڤانیا سڤیل برینداران ڤەدووگهێزە نەخوەشخانەیان و كەسێن دبن كاڤلان دە رزگار دكە .

323