پ ی د: ئەگەر جۆتكار گەنم ب150ل.س بفرۆشن مە، قەزەنجا وان 70% یە
هەڤدەمێ نەرازیبوون و گازنێن چۆتكاران دەربارێ نرخێ كرینا گەنم و جەه كو ژ ئالیێ رێڤەبەریا پەیەدێ ڤە هاتیە دەستنیشانكرن، بەرپرسەكی پەیەدێ دبیژە ئەو نرخ گونجاوە و قەزەنجا جۆتكار دێ حەفتێ ژ بە.
هەڤسەرۆكێ دەستەیا ناڤ لێ تێ كرن ئابۆری و چاندنی یا رێڤەبەریا پەیەدێ سەلمان باروودۆ د داخویانیەكە رۆژنامەڤانی دە گۆت نرخێ 150 لێرەیێن سووری ژبۆ كرینا گەنم و 100 لێرەیێن سووریێ ژبۆ كرینا جەه گونجاوە و پلانكریە، و چۆتكار دێ 70% قەزەنجێ ببینن، و گۆت رێژیم نكارە هەموو بەرهەمان بكرە.
تەڤی كو مژار بوو جهێ نەرازیبوون و گەنگەشەیێ، رێڤەبەریا پارتیا یەكیتیا دیموقراتیك پەیەێ تو گوهەرتن د نرخێ كو دەستنیشانكریە ژبۆ كرینا گەنم ژ جۆتكاران پێك نەئانی، لێ ب ئەشكەرە گۆت ئێدی جۆتكار د فرۆشتنا بەرهەمێ خوە یێ گەنم ژبۆ رێژیم یان پەیەدێ ئازادن، ب مەرجێ كو ئەو بەرهەم ل ناڤچەیێ بمینە.
رێڤەبەریا پەیەدێ بەریا چەند رۆژان نرخێ كرینا یەك تەن گەنم د وەرزێ ئیسال دە ژ چۆتكاران ب 150 هەزار لێرەیێن سووریێ دەستنیشان كر، كو د وەرزێ سالا بۆری دە نرخێ كرینا یەك تەن گەنم ب 175 هەزار لێرەیی دەستنیشان كربوو.
د بەرامبەر دە رێژیما ئەسەد نرخێ كرینا یەك تەن گەنم ژ جۆتكاران ب 185 لێرەیێن سووریێ دەستنیشانكریە، كو سالانە ب سەد هەزاران تەن گەنم ژ جۆتكارێن رۆژئاڤایێ كوردستانێ دكرە.
ل رۆژئاڤایێ كوردستانێ هن بهن وەرزێ بەرهەمئینانا بەرهەمێن چاندنیێ و بتایبەت گەنم نێزیك دبە، چۆتكار ژی ناڤبەرا نرخێ كێم یێ فرۆشتنا بەرهەمێن خوە كو ژ ئالیێ پەیەدێ ڤە هاتیە دەستنیشانكرن، و بوهابوونا تەكلیفەیێن بەرهەمئینانێ بیچارە مانە.
647
