یاسایا لەشكەریا نەچار یا پ ی د ل جزیرێ ژ رەقا و منبجێ جودایە
د ڤێ دەما داویێ دە بەحسا راكرنا مەرجێ لەشكەریا نەچار یا پ ی د لسەر چار سالان ئانگو ژدایكبوویێن سالێن 1986/1987/1988/1989، كو ئێدی ژدایكبویێن 1990ی و ژۆر دە وێ ژبۆ لەشكەریێ داخوازكری بن، ئەگەر ئەو گوهەرتن هات پێكئانین.
لێ یا هەری بالكێش ئەوە كو ب خوە یاسایا لەشكەریا نەچاری یا پ ی د ل رەقا و منبجێ ژ ناڤچەیا جزیرا رۆژئاڤایێ كوردستانێ جودایە و ئاسانتر و خوەشتركریە.
ل جزیر و كۆبانیێ ژدایكبوویێن 01.01.1986 تا 31.012.2000 ژبۆ لەشكەریا پ ی د داخوازكرینە.
ل رەقایێ ژدایكبوویێن 01.01.1990 تا 31.12.2001 دكارن تەڤلی لەشكەریێ ببن.
ل منبجێ ژدایكبوویێن 01.01.1988 تا 31.12.2000 دكارن تەڤلی لەشكەریێ ببن.
ژبلی ڤێ جوداهیا د تەمەنێ داخوازكریان دە، ل جزیرێ لەشكەری نەچاریە لێ ل منبج و رەقایێ لەشكەری خوەبەخشە، ئەو ژی لگۆری كو د داخویانیێن فەرمی یێن دەزگەهێن پەیوەندیدار ب لەشكەریێ ڤە هاتیە.
ل رۆژئاڤایێ كوردستانێ ژبەر لەشكەریا نەچار یا پ ی د رێژەیەكە بلند یا جوانان كۆچبەر بوویە، هەروەها ب هەزاران ژ جوانێن كورد د شەرێن پ ی د ل ناڤچەیێن دەرڤەیی رۆژئاڤایێ كوردستانێ مینا تەپقا، رەقا، منبج و دێرازۆرێ شەهیدبوونە.
522
