ئەلمانیا پێشوازی ل 11 هەزار پەنابەرێن سوری كر

ارك نیوز .. رۆژنامەیا راینیشێ بۆست یا ئەلمانی د راپۆرتێ دە ئەشكەرە كر كو وەلاتێ ئەلمانیا د رێیا پرۆگراما دووبارە نەشتەجیبونێ و هن پرۆگرامێن مرۆڤی یێن دن پێشوازی ل بێهتری یازدە هەزار پەنابەرێن سوری كریە .

هەر لگۆری هەمان رۆژنامەیی د راپۆرتا خوە دە دایە دیاركرن كو حكومەتا ئەلمانیا ژ دوسپێكا سالا دوو هەزار و یازدەهان دە د رێێا پرۆگراما دووبارە نەشتەجیبوونێ یا بسەر نەتەوێن یكگرتی ڤە رێێ دا زێدەتری یازدە هەزار پەنابەرێن سوری كو پرانیا وان ل وەلاتێ توركی و لبنانێ و ئۆردنێ د ناڤا كامپان دە دژیان كو ل وەلاتێ ئەلمانیا نەشتەجی ببن .

هەمان رۆژنامەیێ دیار كر كو هەژمارا پەنابەرێن سوری یێن كو ل ئەلمانیا دژین د ریێا پرۆگرامێن مرۆڤی تا نیسانا دووهەزار و نوزدەهان گهشتیە هەیشت هەزار و چارسەد و سیه وپێنج پەنابەری كو بڤێ یەكێ هەژمارا گشتی یا پەنابەێنن سوری یێن كو ب یاسایی دەرباسی المانیا بوونە و نەشتەجیبوونە گهشتیە دەه هەزار و هەیسەد و چل وشەش كەسی .

ژ ئالیێ خوەڤە ژی وەزارەتا ناڤخوە یا ئەلمانیا بەلاڤ كر كو حكومەتا ئەلمانیا د ریێا پرۆگراما دووبارە نەشتەجیبوونێ د دەسپێكا سالا دوو هەزار و یازدەهان دەما كو كریزا سوریێ دەست پێكر پێشوازی ل دووهەزار و چارسەد و یازدە وەلاتیێن سوری كر .

لگۆری برۆگراما دووبارە نەشتجیبوونێ یا بسەر نەتەوێن یكگرتی ڤە ئەو پەنابەرێن كو ژبەر شەر و پەڤچوونان رەڤیانە و بەرێ خوە دانە وەلاتێن دن لێ نكارن ل وی وەلاتی بتومامی بجه ببن پێویستە ل وەلاتێن ئۆرپی بجه ببن و وەرنە نەشتەجیكرن و مافێ وان وەنە پاراستن .

وەلاتێ ئەلمانیا ژبلی پەشداریبوونا وێ د پرۆگراما دووبارە نەشتەجیبوونێ یا بسەر نەتەوێن یكگرتی ڤە هەروەها بەشداریێ د جیبجیكرنا پرۆگراما دووبارە نەشتەجیبوونا ئۆربی دە ژی دكە كو لگۆری ڤێ پرۆگرامێ پێویستە هەژمارا پەنابەران ل ئەلمانیا دناڤبەرا سالا دووهەزار و هیژدەهان و سالا دوو هەزار و نەزدەهان دە بگهێژە دەه هەزار و دووسەد پەنابەری .

506