روسیا و توركیێ گهشتن رێكەفتنەكە دەمكی دەرباری ئدلبێ

ارك نیوز .. گروپا كار یا هەڤبەش ناڤبەرا توركیێ و روسیا دە یەكەمین جڤیا خوە دەرباری داوین پێشهاتەیێن رەوشا ئدلبێ لدارخست هەڤدەمی لداخستنا جڤینائاوارتە ژ ئالیێ ئەنجومەنا ئەولەهیا ناڤدەولتی بو هەمان مەبەستێ .

وەزارتا بەرەڤانیا توركیێ د داخویانیەكێ دە راگهاند كو گروپا كارێ هەڤبەش یا روسی توركی دەرباری سوریێ یاكو لسەر داخوازا سەرۆكێ توركیێ رەجەب تەیب ئەردۆغان و سەرۆكێ روسیا فلادیمێر پۆتین هاتە ئاڤاكرن دۆه رۆژا ئینێ ل ئەنقەرێ یەكەمین جڤینا خوە دەرباری داوین پێشهاتەیێن ئدلبێ لدارخست .
وەزارەتا بەرەڤانیا توركیێ د هەمان داخویانیا خوە دە ئەشكەرە كر كو د وێ جڤینێ دە هەردوو ئالیان داوین پێشهاتەیێن رەوشا ئدلبێ و گوندەوارێ وێ گەنگەشەكرن .

هەمان داخویانیی دا زانین كو د وێ جینێ دە ژی ژبلی گەنگەشەكرنا رەوشا ئدلبێ یا نها تێرە دەرباس دبە هەردوو ئالیان تەكەزی لسەر ستاندنا تەدابیرێن بلەز دەرباری ئدلبێ و گوندەوارێ وێ د چارچۆڤەیا رێكەفتنێن استانا و سووتشی دە كرن .

دڤی دەربارێ دە ژێدەرێن راگهاندنێ ئەشكەرە كرن كو توركیێ و روسیێ د جڤینا خوە دە بسەر نەكەتن دەباری راوەستاندنا شەر بتەمامی لباژارێ ئدلب و گوندوارێ وێ ، بتەنێ هەردوو ئالی گهشتن رێكەفتنەكە دەمكی كو شەر و پەڤچون و ئێریشكرن لسەر باژارێ ئدلبێ بۆۆ دەما حەفتێ و دوو دەمژمێران وەرە راوەستاندن .

ژ ئالیێ خوە ڤە مەدیایین روسی بەلاڤ كرن كو پشتی راگهاندنا ئاگربەستا راوەستاندنا شەر لباژارێ ئدلبێ بۆ دەما حەفتێ و دوو دەمژمێران ژ ئالیێ روسیا و توركیی ڤە حكومەتا روسیا بەرپرسێن بلەبلندێن رێژیما ئەسەد ئاگەداری ڤێ ئاگربەستێ كرن كو ئێریشێن خوە لسەر باژارێ ئدلبێ راوەستینن .

لێ ژ ئالیێ خوە ڤە ناجي مصطفى بەردەڤكێ ئەنیا نشیمانی یا رزگارنێ ئانگۆ الجبهە الوگنیە للتحریر ئەڤ ئاگربەستا دەمكی بتوندی رەد كر وگۆت ئەو ئەگەر رێژیما ئەسەد ژ هەموو دەڤەرێن كو د دەما داویی دە دەستەسەركریە ڤەنەكشە ئەو قەت ڤێ ئاگربەستێ قەبوول ناكن

446