Serokê Nivîsgeha Peywendiyên Derve ya ENKSê serdana Nûneratiya ENKSê li Kurdistanê kir
ARK NEWS... Serokê Nivîsgeha Peywendiyên Derve ya Encûmena Niştîmanî ya Kurdî li Sûriyê û endamê Polîtbîroya Partiya Demoqrata Kurdistan - Sûriya îro 25ê Gulana 2023yan serdana Nûneratiya Encûmena Niştîmanî ya Kurdî li Herêma Kurdistanê kir.
Kamîran Haco serokê Nivîsgeha Peywendiyên Derve ya Encûmena Niştîmanî ya Kurdî li Sûriyê û endamê Polîtbîroya Partiya Demoqrata Kurdistan di çarçoveya serdana xwe bo Nûneratiya Encûmena Niştîmanî ya Kurdî li Hewlêra paytexta Herêma Kurdistanê hejmarek mijar gotûbêj kir.
Haco ji aliyê serokê Nûneratiya ENKSê li Herêma Kurdistanê Newaf Reşîd û endamên Nûneratiya ve hat pêwazîkirin.
Di hevdîtinê de her du aliyan rewşa siyasî li Rojavayê Kurdistanê û Sûriyê gengeşa kir, her weha pirsgirêkên penaberên Rojavayê Kurdistanê yên li Herêma Kurdistanê niştecî ne anîn ziman û çawaniya dîtina çareseriyan gotûbêj kir.
97
