Serok Barzanî pêşwaziya Wezîrê Berevaniya Tirkiyê kir
ARK NEWS... Roja Sêşemê 19.01.2021 li Selaheddîn Serok Mesûd Barzanî pêşwaziya Xulusî Akar Wezîrê Berevaniya Turkiye û şandeke li gel kir ku ji Yaşar Guler Serok Erkanê Artêşa Tirkiye û Hakan Karaçay Konsolê Giştî yê Tirkiye li Hewlêr û hejmarek şêwirmend û karbidestên Wezareta Berevaniya Tirkiye pêkhatibûn.
Li hevdîtinê de Wezîrê Berevaniya Tirkiye armanca serdana xwe ya Bexda û Hewlêrê xisterû û tekez li wê yekê kir ku aramî û asayîşa navçeyê û her wiha pêşveçûna peywendiyên di navbera Tirkiye û Herêma Kurdistan û Iraqê ji bo welatê wan gelek girînge û ragihand, aramî û asayîş dibê sedema geşbûna aborî û pêşketina navçeyê. Di derbarê peywendiyên di navbera Hewlêr û Bexdayê jî Wezîrê Berevaniya Tirkiye ragihand ku welatê wan xwazyare hemû kêşeyan li rêya diyalog û li çarçêweya destûrê da çareser bibê.
Ji aliyê xwe ve Serok Barzanî ji bilî balkişandina li ser peywendiya dîrokiya di navbera Herêma Kurdistan û Tirkiyê, tekez li bingehên dostayetî û cîranbûna li navbera her du aliyan kir. Her wiha ronahî xiste li ser rewşa siyasî û gef û pêşhatên Iraq û navçeyê.
261