گاردیان سەدەمێن هلمەتا لەشكەری رۆسی ل سەر باكۆرێ سووریێ ئەشكەرە كر

رۆژنامەیا گاردیانا بەریتانی سەدەمێن لەشكەری یێ هلمەتا رۆسیێ ل سەر باكۆریێ سووریێ ئەشكەرە دكە و دبێژە تۆپبارانا نوو ل سەر باكۆرێ رۆژئاڤایێ سووریێ بوو سەدەم كو (20000) كەس كۆچبەر دبە و (12) ناڤەندێن تەندورستی وێران بوون ، ئەو ژی ژ ئەنجامێن نیزیكبوونا رۆسیێ وتوركیێ یە دا كو هەژمۆنێن خوە ل سووریی دە بهێز بكن پشتی كو شەر بەرڤە داویێ چوو ، ل گۆر دبلۆماتكارێن هەرێمی دبێژن.

تۆپباران ل سەر ئدلبێ بەری 2 هەفتیان دەستپێكرییە و ڤان رۆژێن داویێ دە گەلەك شەر گرانبوو و ئەو ناڤچەیە وێرانبوو و كارەساتێن مرۆڤی ل سەر جهێن شۆرەشگەرێن ئۆپۆزسیۆنێ روودان.

هنەك دبلۆماتكارێن ئەورۆپی پلە بلند دبێژن ئەگەرا ئێریشا رێژیم ورۆسیێ ل سەر ئدلبی ، لاوازە، ئەگەر بەراوردكاریێ ب هلمەتا لەشكەری سنۆردار یا رۆسیێ ل سەر ئدلبێ كو جهێ خوە ل وێ ناڤچەیێ دورست بكە د بەرامبەر دە ژی رێ بدە توركیێ كو جهێ خوە ل رۆژهلاتێ سووریێ بهێزتر بكە.

ل گۆر شرۆڤەكارێن سیاسی لهەڤتێگەهشتنا نوو یا رۆسیێ و توركیی ورێژیمێ و ب فرەهییا (25) كلم رێ ژبۆ رێژیم ورۆسیێ وەرە داین دەرباسی ناڤا خاكا ئدلبێ ببە بەرمابەر وێ یەكێ ژی توركێ دەستی خو دانە سەر باژارۆی تل رفعتێ.

ژ ئالیێ خوە ڤە شرۆڤەكارێن سیاسی نیزیكی ئۆپۆزسیۆنا سووریی یا لەشكەری دبێژن، ئیریشا داوی یا رۆسیێ دو سەدەمین وێ یێن سەرەكە هەنە، ژبەر كو ل دانووستاندنین ئاسیتانا دە گەهشتن رێیەك تەنگ وگرتی و رۆسێ زانی ئیدی نكارە ئارمانجێن خوە ل سووریێ بدەستڤە بینە، ورێژیما سووریێ بەرڤە هەلوەشاندنێن دچە ل سەر هەمی ئاست ودەزگەهین خوە ب لەشكەری ڤە ژی، لەوما رۆسێ ئەڤ ئیریش پیك ئانی ژبۆ كو رەوشی تەڤلی هەڤ بكە و بكارە رۆلا خوە بهێز تر بكە.

ل گۆر رێخستنێن مافێن مرۆڤ و پەنابەران دبێژ رەوش ل ئدلبێ گەلەك زەحمەتە و كارەساتێن مرۆڤی رووددن ودڤێ دەستێوەردانەك ناڤدەولەتی وەرە كرن و خەلكی دەڤەرێ وەرن رزگار كرن ژ ڤێ رەوشێ.

صور من كارثة ادلب

376