3 گرتیێن كورد د زیندانێن رێژیمێ دە بێ چارەنڤیسن

ئارك ئازادیا رۆژئاڤایێ كوردستانێ د بەلگەكرن و بەلاڤكرنا ناڤێن گرتیێن كورد د زیندانێن رێژیما ئەسەد دە بەردەوامە، و نها ژی ناڤێ سێ گرتیێن دن بەلاڤ دكە، ئەو ژی ئەڤن.

1-ردوان فەرحان عوسمان، ژدایكبوویێ گوندێ خرێچكا یێ گوندەوارێ باژارێ قامشلۆ یێ رۆژئاڤایێ كوردستانێ سالا 1978 یە، مالباتا وی دبێژە كو سالا 2013ان ردوان لشامێ هات گرتن و هن زانیاری هەنە كو ئەو ل زیندانا كەفەرسووسێ یا شامێ یە و تا نها چارەنڤیسا وی نەهاتیە ناسكرن.

2-فێسەل ئەحمەد عومەر ژدایكبوویێ گوندێ نەبی سادی یێ بسەر باژارۆكێ چل ئاغا ڤە سالا 1982انە، ل ناڤچەیا خان ئەلشێخ یا شاما پایتەختا سووریێ رۆژا 04.01.2013ان دەما د ناڤا زەڤیەكێ دە كار دكر ل گەل هەژمارەك جیران و خەلكێن وێ ناڤچەیێ ژ ئالیێ رێژیمێ ڤە هات گرتن، و پشتی سێ رۆژان ئەو هەموو كەسێن هاتنە گرتن ژبلی فێسەل سەربەست هاتن بەردان و تا وەكە ئیرۆ ژی هین چارەنڤیسا وی نەهاتیە ناسكرن، فێسەل باڤێ دوو كەچ و كورەكی یە.

3-ڕێزان عەبدولقادر مەلا حەمزە، ژدایكبوویێ گوندێ گربكێل یێ بسەر باژارۆكێ تربەسپیێ یێ رۆژئاڤایێ كوردستانێ سالا 1980ی یە، باڤێ چار زارۆكانە، رۆژا 10.04.2014ان ل گەل ئۆتۆمبیلا خوە ل شامێ وندابوویە و هن زانیاری هەنە كو ئەو لسەر رێبەندەكە رێژیمێ هاتیە گرتن وتا وەكە ئیرۆ تو زانیاری لسەر نەهاتنە وەرگرتن.
ژبلی ڤان هەسێ ناڤێن ناڤبۆری، بدەهان وەلاتیێن دن یێن كورد د زیندانێن رێژیما سووریێ دەنە و چارەنڤیسا وان نەهاتیە ناسكرن.

460