ئۆجەلان: قەندیل داخوازا عبدالله ئۆجەلان جیبجی ناكە

آرك نيوز...سیاتەتمەدارێ باكوورێ كوردستانێ دبێژە كو پەیماما ئۆجەلان ل گەل ئارمانجێن پەكەكە ل باكوور ورۆژئاڤایێ كوردستانێ هەڤ ناگرن .

پشتی دەرباسبوونا 8 سالان ژ نەدیتنێ پارێزەرێن ئۆجەلان رێبەرەێ پەكەكە ئەشكەرەكرن كو د دەستپێكا ڤێ مەهێ دە سەردانا ئۆجەلان كرنە وپەیامەكە ب ناڤێ ئۆجەلان خوەندن .

دەربارێ پەیاما عبدالله ئۆجەلان , ئۆسمان ئۆجەلان برایێ رێبەرێ پەكەكە , وسیاسەتمەدارێ باكوورێ كوردستانێ راگەهاند كو زەحمەتە پەیماما ئۆجەلان وەرە جیبجیكرن , ژ بەر رەوشا كو توركیا نها تێدە دەرباس دبە , نە ل گۆری پەیماما ئۆجەلانە .

هەروەها ئۆسمان ئۆجەلان دازانین كو رژێما سووریا وحكوومەتا توركیا د دەما نهادە شەر دخوازن , ورەوشا وان یا ناڤخۆیی نە ئالیكارە داكو بەرەڤ ئاشتیێ ڤە وەرە , لەوما ئاستەمە د ڤێ رەوشا نهادە پەیماما عبدالله ئۆجەلان بكەڤە وارێ جیبجیكرنێ دە .

سیاسەتمەدارێ باكوورێ كوردستانێ گۆتژی دەمێ پەیاما عبدالله ئۆجەلان نە دەمەكی گونجاوە , وهەر چەند عبدالله ئۆجەلان ب نیەتەكە پاك پەیام ئاراستەكریە , لێ بناغەیا ئاشتیێ د دەما نهادە ب دەست ناكەڤە .

ئۆسمان ئۆجەلان دبێژە , سەركردایەتیا پەكەكە درووشما بێ ئاپۆ ژیان نابە و وئەگەر راستە ئەڤ دروشما وانە , پێویستە داخوازا ئۆجەلان جیبجی بكن , لێ د راستی دە ئاستەمە سەركردایەتیا پەكەكە داخوازا عبدالله ئۆجەلان قەبوول بكە .

هەروەها سیاسەتمەدارێ باكوورێ كوردستانێ گۆتژی كو ئاست گەهشتیە وێ چەندێ كو عبدالله ئۆجەلان دەما گۆتنەكێ دكە , سەركردایەتیا قەندیل ل دژی وی گۆتنێ دكە , وبەروڤاژیێ گۆتنا عبدالله ئۆجەلان لێدوانان ددن .

د بەردەوامیا گۆتنا خوەدە ئۆسمان ئۆجەلان گۆت كو ئەگەر عبدالله ئۆجەلان بخوازە پەیاما وی جیبجی ببە , پێویستە سەركردایەتیا قەندیل یا نها كو ژ بایك , وكالكان, وقەرەیلان پێك تێ , دوور بخە , وسەركردایەتیەكە ئاشتیخوازی دابمەزرێنە .
ز.ح

513