رژێما ئەسەد گەفا ل توركیا وقەسەد دكە

آرك نيوز...رژێما سووریێ گەڤ ل توركیا وچەكدارێن قەسەدە خوار وگۆت كو ئەو رازی نابە , خاكا سووریێ د بن دەستێ واندە بمینە , وئەوێ تەڤایا ریێان بگرە بەر داكو خاكا سووریێ رزگار بكە .

جێكرێ وەزیرێ دەرڤەیێ سووریێ فیصل مقداد د چارچۆڤەیا هەڤدیتنەكێ دە ل گەل كەنالا المیادین یا لوبنانی راگەهاند كو رژێما ئەسەد رازی نابە , توركیا یەك سانتێمتری ژ خاكا سووریێ كۆنترۆل بكە , وتەكەز كر كو رژێما ئەسەد وێ ئدلبێ ژ گرووپێن چەكدار رزگار بكە .

فێصل مقداد گۆتژی , توركیا ب پشتەڤانیكرنا تەرۆرێ , وداگیركرنا خاكا سووریێ نكارە ئەولەهیێ ل توركیێ بەرقەرار بكە , ودەما خاكا سووریێ بكەڤە بن گەفا تەرۆرستان دە , رژێما ئەسەد وێ تەڤایا خاكا سووریێ بپارێزە .

جێگرێ وەزیرێ دەرڤەیێ رژێما ئەسەد گۆتژی كو چەكدارێن پەیەدە وقەسەدە بوونە دار ودەستێ ئەمریكا , وتەكەز كر كو دڤێ ئەو ڤەگەرنە همبێزا رژێما ئەسەد , وخوە ژ ئەمریكا دوور بكن .

توركیا د دو ئۆپەراسیۆنێن لەشكەری دە ل سووریێ كاریە بەرفەرەهیەكە گەلەك ژ خاكا سووریێ بكە بن كۆنترۆلا خوەدە , ول وان ناڤچەیێن دبن كۆنترلا وێ خالێن چاڤدێریێ ئاڤاكرنە , وب تایبەتی ل ئدلب وحەمایێ , ورژێما ئەسەد هەتا وەكە نها تو كارڤەدانەكە راستەقینە ل دژی توركیا نەكریە , وب تەنێ گەفێ راگەهاندنێنە .
ز.ح

523