نازم بكر: پەكەكە زارۆك وهەرزەكارێن خانەسۆرێ د رەڤینە

آرك نيوز..بەرپرسیارێ لێژنەیا ناڤچەیا پارتی ل خانەسۆرێ دبێژە ب سەدان مالباتێن كوردێن ئێزیدی ل خانەسۆر هاتنە جەم وان , وداخواز كرنە كو رێگریێ ل رەڤاندنا زارۆكێن وان ژ ئالیێ پەكەكە ڤە وەرە بكە .

نازم بەكر تەكەز كر كو چەند ئالیەكی نایاسایی وخوەسەپێن ل خانەسۆرێ گرووپێن گەرۆك پێكئانینە , ود ناڤا زارۆكێن خانەسۆرێ دە د گەرن , وكارێ رێخستنا زارۆك وهەرزەكاران دكن , ووان دبنە ناڤا رێزێن پەكەكە .

بەرپرسیارێ لێژنەیا پارتی دیموكراتی كوردستان گۆتژی كو بەردەوام چەكدارێن پەكەكە رێگریێ ل گەهاندنا ئالیكاریان , وجیبجیكرنا پرۆژەیێن خزمەتگوزاریێ ل ناڤچەیێ دكە , ورۆژ ب رۆژ ژ بەر چەكدارێن پەكەكە ژیانا خەلكێ خانەسۆرێ دژوارتر دبە , ونكارن د مالێن خوەدە ب ئاشتیانە وئارامی بژین .

هەروەها نازم بكر گۆتژی كو كۆنترۆلا دەڤەرێ د دەستێ پەكەكە دەیە , وهەر تشتەكی بخوازن جیبجی كن , وگەلەك جاران خەلكێ نەچار دكن كو دەركەڤنە خوەنیشاندانان , ووان بۆ بەرژەوەندیێن خوە ب كارتینن , بۆ نموونە دەما ئدارەیا شەرعی یا شنگالێ ڤەگەریا , پەكەكە خەلك ب دارێ زۆرێ ژ مالان ئانینە دەرڤە داكو رێگریێ ل ڤەگەرا ئدارەیا شەرعی یا شنگالێ بكن .

هەروەها بەرپرسیارێ لێژنەیا پارتی گۆتژی كو ژ دەما حەشدا شەعبی هاتیە ناڤچەیێ , پەكەكە دەستێ خوە خستیە دەستێ حەشدا شەعبی دە , وب هەڤبەشی كارێ بازرگانیێ ب قاچاغی دكن , وبازرگانیا وان هەمەجۆرە , وتو سانسۆرەك ژێرە نینە .

وژئالیێ خوەڤە خەلیل شڤان بەرپرسیارێ رێخستنا فەرماندەیا شنگالێ یا هێزێن پێشمەرگەیێن كوردستانێ راگەهاند كو پەكەكە ناڤێ خانەسۆرێ گوهارتیە , وپلانا پەكەكە ل گەل حەشدا شەعبی دژایەتی كرنا خەلكێ دەڤەرێ یە , و تەڤایا ژێدەرێن جۆر ب جۆرێن دەڤەرێ بۆ بەرژەوەندیێن خوە ب كارتینن
ز.ح

386