ئەمەریكا و توركیێ پێشنیارەك نوو دەرباری ناڤچەیا ئارام گەنگەشە دكن
ارك نیوز ... رەژنامەیا واشنتن پۆست یا ئەمەریكی ئەشكەرە كر كو نها ئەمەریكا و توریێ پێشنیارەكە نوو دەربای سوریێ گەنگەشە دكن .
هەمان رۆژنامەیێ لسەر زارێ بەپرسێن ئەمەریكی و توركی پلە بلند ڤەگوهەست كو نها وەلاتێ ئەمەریكا و توركیی دانوستاندن و گفتوگۆیان دەرباری ئەگەرا برێڤەبرنا دەوریێن هەڤبەش ناڤبەرا هەردوو وەلاتان دە ل ناڤچەیا ئارام یاكو بریارە ل رۆژهەلاتێ چەمێ فەراتێ كووربوونا سیه و دوو كیلۆ متریان وەرە ئاڤاكرن دكن .
هەرلگۆری رۆژنامەیێ ئەشكەرە كریە كو لگۆرێ ڤێ پێشنیارا نوو یاكو نها ناڤبەرا هەردوو وەلاتان دە تێ گەنگەشەكرن پێویستە چەكدارێن پەیەدێ یێن كو ل دەڤەرێ دمینن بێنە ڤەكشاندن و وەلاتێ ئەمەریكا سەپرشتیا ڤان دەوریێن هەڤبەش ل ناڤچەیا ئارام لرۆژهەلاتێ چەمێ فەرارتێ بكە تەڤی بریارا ئەمەریكا ژ ڤەكشانا هێزێن خوە یێن لەشكەری ژ سوریێ .
هەر دڤێ دەربارێ دە بەپرسەكی ئەمەریكی پلە بلند ژ رۆژنامەیا واشنتن پۆست رە گۆت كو تەڤی هەبوونا ناكوكیان ناڤبەرا ئەمەریكا و توركیێ دە دەرباری ناڤچەیا ئارام لێ هەردوو ئالی هەموو هەولێن خوە دكن داكو ڤان ناكوكیان چارەسەربكن و ئاماژە كر كو ئەمەریكا دخوازە كووراهیا ناڤچەیا ئارام كێم تر بكە.
ئەڤە دەمەكە ناڤچەیا ئارام ژ ئالیێ ئەمەریكایێ ڤە هاتیە راگهاندن ب ل هەڤكرن ب توركییرە لێ تا نها بشێویكی پراتیكی ئەو ناڤچەیا ئارام یاكو بریارە لرۆژهەلاتێ چەمێ فەراتێ وەرە ئاڤاكرن ناهیتە بجهكرن و هوورگولیێن وێ نەهاتیە ئەشكەرە كرن .
402
