ب سەدان ژ چەكدارێن رێژیما ئەسەد ومێلیسێن بسەرڤە هاتنە كوشتن

ارك نیوز .. ئەڤە حەفیەكە و پرۆسەیێن لەشكەری ژ ئالیێ گروپێن چەكدار ژ ئالیەكی و ورێخستنا تەرۆریست یا داعشێ ژ ئالیەكی دنڤە لدژی رێژیما ئەسەد و مێلیسێن بسەرڤە ل تەڤایا سوریێ بتایبەتی ل باژارێ دەرعا و حمس و ادلب و لازقیێ و دێرا زۆرێ و حەلەب بەردەوامە كو د ئەنجامێ دە ب سەدان ژ چەكدارێن رێژیما سوریێ ومێلیسێن بسەرڤە هاتنە كوشتن وبرینداربوونە .

ژێدەرێن خوەجەهی راگهاندن كو ژ نیڤێ مەها نیسانێ ڤە و تا نها بێهتری 160 چەكدارێن رێژیما ئەسەد هاتن كوشتن لگەل برینداربوونا هەژمارەك مەزن ژ چەكداران و وندابوونا هن چەكدارێن دن د رۆشێن نە دیار دە كو بهتریا وان ل باژارێ حمسێ و دێرا زۆرێ لسەر دەستێ رێخستنا داعشێ ڤە هاتنە كوشتن تەڤی راگهاندنا هەڤپەیمانیا ناڤدەولتی یا لدژی داعشێ ژ تێكچوونا رێخستنا داعشێ ب یەكجاری .

هەمان ژێدەران ئەشكەرە كرن كو ژ ئالیێ خوەڤە ژی گروپێن چەكدار هەژمارەك ئێریش لسەر بنگەهێن رێژیما ئەسەد و مێلیسێن بسەرڤە ل دەڤەرێن جودا جودا ل ئدلبێ و دەردۆرا وێ هەروەها لگوندەوارێ حەلەب و حما و لازقیێ پێك ئانین .

كو ژ ئالیێ خوەڤە دەستەیا تحریر الشام د بیستێ ڤێ مەهێ دە راگهاندبوو كو چەكدارێن وێ ئێریشەك لەشكەری ژ سێ بەریان ڤە لسەر بنگەهێن رێژیما ئەسەد لگوندەوارێ حەلەبێ ئەنجام دابووكو د ئەنجاما وێ ئێریشێ دە بێكمانی سیه چەكدارێن رێژیمێ هاتن كوشتن لگەل برینداربوونا هەژمارەك چەكدار .

كو ژ ئالیێ خوە ڤە مالپەرێن راگهاندنێ یێن بسەر رێژیما ئەسەد ڤە بەلاڤ كربوون كو نوزدە كەس دناڤا واندە هەژمارەك ئەفسەر هەبوون هاتنە كوشتن .

هەمان ژێدەران دیار كرن د پازدەهێ ڤەهێ دە ژی هەڤدەمی ئارمانجرنا بالافرێن شەركەر یین روسی ل دەڤەرێن لباكورێ سوریی گروپێن چەكدار ئێریشی خالێن رێژیمێ ل گوندێ وریدە لباشورێ حەلەبێ كرن كو د ئەنجامێ دە هەژمارەك چەكدارێن رێژیمێ هاتن كوشتن وبرینداركرن .

ل حمایی ژی كەتیبەیا الفتح ل بەرەیا الحاكورا لرۆژئاڤایێ حمایێ ئێریشەك توند برن سەر خالێن لەشكەری یێن روسی ل وێ دەڤەرێ كو د ئەنجامێ دە بێهتری دەه لەشكەرێن روسی هاتن كوشتن .

و لگوندەواترێ لازقیێ ژی بكێمانی پێنج چەكدارێن رێژیما ئەسەد ومێلیسێن بسەرڤە لگوندێ السرایا د ئەنجاما ئێریشەكە گروپێن چەكدار دە هاتن كوشتن .

443