روسیا: بیدرسۆن وێ لیستەیێن كۆمیتەیا دستوری یا سوریێ رابگهینە

ارك نیوز .. پشتی ئەنجامدانا گەرا دووازدەهان یا دانوستاندنێن نور السلتان ل پایتەختا كازاخستنانێ د هەردوو رۆژێن بووری دە ب سەرپرشتیا هەرسی وەلاتێن گەرەنتۆر روسیا و توركیێ و ئیران ، هەرسی وەلاتێن گەرەنتۆر نە گهشتن توو رێكەفتەنكێ دەرباری كۆمیتەیا دستوری یا سوریێ .

پشتی بداویهاتنا دانوستاندنێن نور السلتان دەرباری سوریێ كو شاندەیێ ناڤدەولتی یێ تایبەت بۆ سوریێ دڤێ گەرێ دە بەشداربوو وەلاتێ روسیێ ئەشكەرە كر كو راگهاندنا لیستەیێن كۆمیتا دستورا سوریێ یا پێشەرۆژێ گرێدایی یە ب گێر بیدرسۆن شاندەیێ ناڤدەلتی یێ تایبەت بۆ سوریێ.

هەر دڤێ دەربارێ دە شاندەیێ روسی یێ تایبەت بۆ سوریێ الكسندر لافرینتیف راگهاند كو بیدرسون سەرپشكە ب دانینا میكانیزما كارێ كۆمیتەیا دستوری یا سوریێ و راگهاندنا لیستەیێن كۆمیتا دستورا سوریێ یا نوو ... وهێڤی كر كو بەریا گەرا بێ یا نور السلتان یاكو بریارە د تیرمەها بێ دە وەرە ئەنجام دان بیدرسون لیستەیێن كۆمیتا دستوری یا سوریێ دیار بكە .

د سباتا بوری دە شاندەیێ ناڤدەولتی یێ تایبەت بۆ سوریێ هێڤی كربوو كو كۆمیتەیا دستوری یا سوریێ ل كۆنگرێ جنیف د زوترین دەم دە وەرە كۆنگەشەكرن و سەربار كر وگۆت كو گەلەك بیرۆكە لجەم وی هەنە دەرباری چاوانیا ئاڤاكرنا باوەریی دناڤبەرا رێژیم و ئۆپۆزسیۆنێ دە.

پشتی بداویهاتنا گەرا دووازدەهان یا دانوستاندنێن نور السلتان دەرباری سوریێ هەرسی وەلاتێن گەرەنتۆردۆه د داوی نامەیا خوە دە راگهاندبو كو گەرا بێ یا نور الستلتان وێ ل جنێفێ وەرە ئەنجام دان و و ئەو ئامادەنە كو پشتەڤانیا هەموو هەولێن شاندەیێ ناڤدەولتی یێ تایبەت بۆ سوریێ گێر بیدرسۆن بكن ژبۆ دیتنا چارەسەریەكێ د زوترین دەم دە دناڤبەرا ئالیێن ناكوك دار لسورێی .

هەروەها د وێ داوی نامەیێ دە هاتبوو كو هەرسی وەلاتێن گەرەنتۆر دانوستاندن ب بیدرسۆن رە ئەنجام دابوون ژبۆ راگهاندنا لیستەیێن كۆمیتەیا دستوری یا سوریێ د زوترین دەم دە .

د داوی دە شاندەیێ روسی یێ تایبەت بۆ سوریێ الكسندر لافرینتیف دا زانین كو بەشداریا بیدرسۆن د گەرا دووازدەهان دە پێشكەتنەك سیاسی درست بوو و گۆت كو تەنێ ئەركێ بیدرسۆن ئەوە كریزا سوریێ ب سەركردایەتیا ئالیێن سوریی چارەسە بكە نەك ئالیێن ناڤدەولتی .

521