سودان 5 زاروكێن خوه يێن كو ل جه‌م داعشێ بون وه‌رگرت
هاته راگهاند كو چه‌كدارێن په‌یه‌دێ پێنج زاروكێن چه‌كدارێن داعشێ یێن خودان ره‌گه‌زنامه‌یا سودانى راده‌ستی حكومه‌تا وه‌لاتێ وان كرن د چارچوڤه‌یا رده‌ستكرنا چه‌كدارێن داعش یێن بیانى ژ بو وه‌لاتێن وان .
ل گوری زانیاریێن ئاركێ كو چه‌كدارێن په‌یه‌دێ پێنج زاروكێن سودانی یێن كو دناڤ ره‌فێن داعشێ ده بون راده‌ستی شانده‌یێ وه‌زیرێ ده‌رڤه یێ سودان بدالدین عه‌لی ل باژارێ قامشلو كرن .
شانده‌یێ وه‌زیرێ ده‌رڤه یێ سودان بدالدین عه‌لی ژ ه‌زگه‌هێن راگهاندنێ ره ئه‌شكه‌ره كر كو ئه‌ڤ راده‌ست كرن هات ل سه‌ر داخوازا مالباتێن وان زاروكان ژ به‌ر ره‌وشه‌ك وان یا تایبه‌ت هه‌یه كو دایك وباڤێ وان هه‌میان هاتنه كوشتن .
به‌رپرسێ چه‌كدارێن په‌یه‌دێ یێ بناڤێ كه‌مال عاكف ژ ئالیێ خوه راگهاند كو ئه‌ڤ راده‌ست كرن نه یا یه‌كێ یه كو به‌ریا نه‌ها هژماره‌ك زاروكێن روسی وفه‌ره‌نسی ژی ژ بو وه‌لاتێن وان هاتن راده‌ست كرن .
به‌ریا ده‌مه‌كی ژى روژنامه‌یه‌كه بریتانی راگهاند كو بێهترى 30 زاروكێن بریتانی یێن كو ل بن ده‌ستهلاتا داعشێ ژدایكبونه نه‌ها ل ناڤا كامپان ل سووریێ دمینن دناڤ وان ده سێ كه‌چێن بریتانی كو باڤێ وان به‌ریا چار سالان ل گه‌ل دایكا وان ئه‌و بربون سوریا .
هه‌روه‌ها به‌رپرسه‌كى حكومه‌تا به‌لجیكى راگهاند كو ئه‌و كار دكن ژ بو ڤه‌گه‌را زاروكێن وان یێن بچوك یێن كو ل جه‌م داعشێ نه ونه‌ها ل ناڤا كامپان دژین ل كوردستانا سووریێ لێ تو ده‌مێن ده‌ست نیشان كری ژ بو جیبه‌جیكرنا ڤێ یه‌كێ ده‌ست نیشان نه‌كر .
تێ زانین كو ب هه‌زاران چه‌كدارێن داعشێ یێن بیانی نه‌ها ل جه‌م چه‌كدارێن په‌یه‌ێ نه كو حكومه‌تێن وه‌لاتێن وان ڤه‌گه‌را وان ره‌دكن ته‌ڤی كو پرانیا وان ژن وزاروكێن ژ به‌ر كو وه‌لاتێن ئورپی دبینن كو ڤه‌گه‌را وان مه‌ترسیه ل سه‌ر ئه‌وله‌هیا وه‌لاتێن وان .
579
