نەسر ئەلحەریری: مە مژارا ناڤچەیەكە ئارام ڤالا ژ پەكەكێ گەنگەشە كر

سەرۆكێ دەستەیا دانووستانكار یا سووریێ راگهاند كو دەما ئاڤاكرنا كۆمیتەیا دەستووری یا سووریێ نێزیك بوویە و وان د گەرا خوە یا داویێ دە مژارا ناڤچەیا ئارام كو ڤالە بە ژ پەكەكێ گەنگەشەكریە.

د كۆنگرەكی رۆژنامەڤانی دە ئیرۆ نەسر ئەلحەریری سەرۆكێ دەستەیا دانووستاندكار بەحسا گەرا خوە یا داویێ و هەڤدیتنێن خوە ب گەلەك ئالیان رە دناڤ دە شاندەیێ ناڤدەوەلتی ژبۆ سووریێ گێر پێدەرسۆن كر، و گۆت وان رەوشا مرۆڤی ل سووریێ، پرۆسەیا سیاسی، رەوشا ئدلبێ، وكامپا ئلركبان، هەروەها مژارا ئاڤاكرنا ناڤچەیەكە ئارام كو ڤالە بە ژ پەكەكێ، سەرباری مژارا پەنابەر و گرتیان و رەوشا عەفرینێ ورەوشا گشتی ل سووریێ گەنگەشەكرنە.


ئەلحەریری ئەشكەركر كو لهەڤكرن لسەر پرانیا كەسایەتیێن كۆمیتەیا دەستووری هاتیە كرن لێ هین ژی ناكۆكی ل سەر چەند كەسان مایە، و د دەمەكە نێزیك دە وێ لهەڤكرنەكە بتمامی وەرە كرن و دێ دەست ب ئاڤاكرنا كۆمیتەیەیكە دەستووری وەرە كرن.

ئەلحەریری ئەشكەرەكر كو گەرا د خوە دە وان سێ خال ژبۆ كۆمیتەیا دەستووری گەگەشەكرنە ئەو ژی سەرپەرەشتیاری، و ب ئەرككرن و تەدابیرێن پێنگاڤ، كو كۆمیتەیا دەستووری وێ ب سەرپەرەشتیا نەتەوەیێن یەكگرتی بە.


كۆمیتەیا دەستووری ژێ سێ بەشان پێك تێ، بەشەك ژبۆ رێژیمێ و بەشەك ژبۆ ئۆپۆزسیۆنێ و بەشێ دن ژبۆ جڤاكا سڤیل و پسپۆرانە، كو دناڤ بەشێ ئۆپۆزسیۆن و جڤاكا سڤیل دە كورد ب رێیا ئەنجومەنا نشتیمانی یا كوردی ل سووریێ جهێ خوە دگرن.

548