رێژیما سووریێ و پەیەدێ بریارەك نوو ل سەر بەشەك ژ كوردێن سووریێ دەرخست
شوفێر و ئاژۆكارێن كوردستانا سووریێ دناڤبەرا بریارێن پەیەدێ و رێڤەبەریا رێژیما ئەسەد ل قامشلۆ و ناڤچەیێن كوردستانا سووریێ وندا دبن.
رێڤەبەریا پەیەدێ ل سەرانسەری باژارێن كوردستانا سووریێ یێن كو ژێر دەستهلاتا وێ دە یە ، شوفێر وئاژۆكارین باژێر یێن كورد نەچار دكە جارەكی دن كەلو پەل وسالنامەیێن بارهلگر وئۆتۆمبێلێن خوە ژ نووڤە چێ بكن ل همبەر گۆژمێن پەرا یێن مەزن .
شوفێرێن بارهلگر و تەكسی وئۆتۆمبێلێن تایبەت گازندێ دكن و دبێژێن ئەم دچن ناڤچەیێن دبن كۆنترۆلا رێژیمێ دە ، پۆلیسێن ترافیكێ یێن رێژیمێ داخوازا سالنامە و كارتێن فەرمیێ یێن كو ل جەم دەزگەهێن وێ هاتنە تۆمار كرنە، دكە، و ژ ئالیێ خوە ڤە ژی ، پەیەدێ فەرمان دایە ، دڤێ هەر بارهلگر و ئۆتۆمبێلەكە چ گشتی بە و چ تایبەت بە جارەكی دن هنەك كەل وپەلێن نوو ل دەزگەهێن گرێدایێ وێ چێ بكن ، وئەگەر نەكن وی راستی گرتن و سزادانان وەرن.
بەرێ رێژیما ئەسەد ژبۆ نووكرنا سالنامەیا هەر ئۆتۆمبێلەكێ زیدەرتی 50 هەزار لێرەیێ سووریێ دخوەست و نها ژی نووكرنا ڤێ سالنامەیێ ل جەم دەزگەهێن پەیەدێ هنەك زێدەتر وهنەك ژی كێمتر لێ دچە.
ل گۆر شوفێرێن بارهلگر و تۆتۆمبێلان دبێژن، ئارمانجا پەیەدێ ژ ڤی بریارێ تەنێ ئەوە ، كو قازنجەك مادی مەزن كو پەیەدێ ب ملیونان بدەست دخە.
ب ڤی ئاوای دەرفەتێن كار ل كوردستانا سووریێ كێم تر دبن و خەلكێ نەچار دبە دەست ب كۆچبەریەك دن بكە.
تێ زانین كو رێژیما سووریێ ل باژارێ حەسەكێ وقامشلۆ و دێركێ ژی هێژی دەستهلاتدارە و پەیەدێ ورێژیم بهەڤرە رێڤەبەرییا باژارێن كوردی دكە و هەر یەك بریارێن خوە ب جوودا ل سەر خەلكێ دەڤەرێ دە دسەپینە .
389
