حسن رمزي: ئەم ناڤچەیەكە ئارام دخوازن دبن سەرپەرشتیا جڤاكا ناڤدەولەتی دە بە

ئەندامێ كۆمیتا ناڤەندی یا پارتیا دەمۆكراتا كوردستان – سوریا حسن رمزی ژبۆ ناڤچەیا ئارام دا زانین كو ئەنجوومانا نشتیمانیا كوردی ل سووریێ نەرینا وێ جوودا یە وێ دەربارێ دە و دڤێ دبن سەرپەرشتیاریەكە ناڤدەولەتی دە وەرە ئاڤاكرن و گارەنتیا پاراستنا مافێن مللەتێ كورد تێدە هەبە.

ئەندامێ كۆمیتا ناڤەندی یا پەدەكەسێ هەروها گۆت وێ رۆلا ئەنجوومانا نشتیمانیا كوردی وبەژداربوونا وێ د رێڤەبەریا ناڤچەیا ئارام دە هەبە ئەگەر هات ئاڤاكرن ونەرینا وێ وێ ژی هەیە ژبۆ مژارا ناڤچەیا ئارام.

پشتی بریارا سەرۆكێ ئەمەریكا دەربارێ ڤێ ناڤچەیێ دە ، ئیدی ئەڤ مژار د رۆژەڤێ دە بوو جهێ دانووستاندن وشرۆڤەیان و شاندێن دبلۆماسی ژ دەولەتێن هەڤپەیمانێ وشاندەیێ سەرۆكێ ئەمەریكا یێ تایبەت ژبۆ سووریێ ، جیمس جیفری، دەست كرن ب پەیوەندی و تێكلییان ب پێكهاتەیێن دەڤەرێ رە و ب تایبەتی ژی دەولەتا توركیێ كو رۆلەكە وێ بەرچاڤ د سووریێ دە هەیە ، ئەو ژی ژبەر جهێ وێ یێ سیاسی و هەبوونا وێ مینا هێزەكێ د هەڤگرتنا ئەتلەسێ دە .

سەركردەیێ پەدەكەسێ ، ئەشكەرە كر كو، ئەمەریكا رژدە ل سەر ئاڤاكرنا ناڤچەیا ئارام ئەو ژی ل گۆر بەرژەوەندیێن خوە یێن سیاسی ، لەوما ب بەردەوامی تێكلی وپەیوەندی سیاسی ب ئالی وپێكهاتەیێن دەڤەرێ رە دكە.

هەر ل گۆر گۆتارێن شاندەیێ ئەمەریكی ، چ رۆلا پەیەدێ وێ د رێڤەبەریا ناڤچەیا ئارام دە نەبە ووێ ژ رێڤەبەریا وێ وەرن دوور خستن.

رمزی دا زانین كو پشتی هەڤدیتنێن ئەنەكەسێ و هەڤپەیمانێ وشاندەیێ ئەمەریكی ، تەكەزی ل سەر پاراستنا دەڤەریێ هات كرن و دوورخستنا مەترسیا تەرۆرێ ژ دەڤەرێ و بنبركرنا بنگەهێن وێ وهەروها بەردەوامییا تێكلیێن دبلۆماسی ورۆلا ئەنجوومانێ وبەژداریا وێ د رێڤەبەریێ دە ، ژبەر كو ئەنەكەسی كاریبوو رۆلەك گرنگ سیاسی ل سەر ئاستێ ناڤدەولەتی و هەرێمی ببینە و ژخوە جەماوەرەكە وێ بەرفرەه هەیە.

ئەندامێ كۆمیتا ناڤەندی یا پارتیا دەمۆكراتا كوردستان – سوریا وبەرپرسێ راگهاندنا ئەنجوومانێ حسن رمزی ژبۆ مالپەرا پارتیێ زەلال كر كو نەرینا ئەنەكەسێ دەربارێ چاوەنیا ئاڤاكرنا ناڤچەیا ئارام دبن سەرپەرشتیەكە ناڤدەولەتی دە و گەرەنتی وپاراستنا مافێن مللەتێ كورد هەیە و زەلالە چ ئالیێ سیاسی ، رێڤەبەری ولەشكەری بە ، بەژداربوونا هەمی پێكهاتەێن دەڤەرێ بە ، بێ كو چ ئالی وەرە دوور خستن ول گۆر دید وخوەستەگا مللەتێ دەڤەرێ بە .

619