ئەمیرێن داعشێ بوونە پۆلیسێن پەیەدێ

بەرێ ئەمیر وسەركردەیێن رێخستنا داعش یا تەرۆریست بوون و نها بوونە پۆلیسێن پەیەدێ یێن ترافیكێ .

ل باژارۆكێ عێن عیسی یێ گوندەوارێ رەقایێ، رەوشەكە نەرازیبوون و دلگرانیێ ژ ئالیێ وەلاتیان ڤە دەركەتیە هۆلێ، سەدەم ژی ئەوە كو ب دەهان پۆلیسێن ترافیكێ یێن پەیەدێ بخوە بەرێ ئەمیر وسەركردەیێن داعشێ بوون.

رەوانگەها سووریێ یا مافێ مرۆڤان ل سەر زارێ ژێدەرنە خوە بەلاڤكریە كو پۆلیسێن ترافیكێ یێن پەیەدێ ل عێن عیسا ب خوە ئەندام وسەركردە و ئەمیرنە داعشێ بوون، لێ ژ ئالیێ پەیەدێ و چەكدارێن سووریایا دیموقراتیك مینا ب سەدان ژ گرتیێن داعشێ سەربەست هاتنە بەردان و پشتر تەڤلی دەزگەهێن پەیەدێ و دناڤ دە ژی پۆلیسێن ترافیكێ بوونە.

ل گۆری وان ژێدەران كو ئەو پۆلیس ئاستەنگیان ژ وەلاتیان رە دورەست دكن، بتایبەت ژ ئۆتۆمبیلێن كوردان رە، هەروەها ئاستەنگی و رێگری و رەوشەكە نەباش ژ وەلاتیێن سڤیل رە دناڤا باژێر دە دوروست دكن.

د ڤان هەردوو سالێن بۆری دە، پارتیا یەكیتیا دیموقراتیك پەیەدێ بهتری هەزار و پێنسەد ژ تەرۆریستێن داعشێ سەربەست بەردانە، سەربەستبەردانا تەرۆریستێن داعشێ تەنێ پشتی ناڤبێنكاریەكە هۆزێن دەڤەرێ یان ژی وەكە لێبۆرینا جەژنان یان ژی ب دەستپێشخەریەكە رێڤەبەریا پەیەدێ تێ.

سەربەستبەردانا تەرۆریستێن داعشێ و ئەڤلیبوونا وان دناڤا دەزگەهێن پەیەدێ دە هەڤدەمی وێ یەكێ تێ كو هین بهتری پێنسەد وەلاتیێن سڤیل یێن كورد كو پرانیا وان ژ كۆبانیێ نە و ژ ئالیێ داعشێ ڤە هاتبوون رەڤاندن، خوەدی چارەنڤیسكە وندایی نە.

430