دوه سالڤەگەرا تەرۆركرنا شەهید شێخمۆس قەهرەمان بوو

دوه(16.4.2019)، سالڤەگەرا شەهیدێ شێخمۆس قەهرەمان كو رۆژا (16.4.1986) بدەستێ غەدر و خیانەتێ هاتبوو كوشتن و ب یەكەم سیاسەتمەدار بوو دناڤ كوردێن سووریێ هات تەرۆركرن.

شێخمۆس یحیی قەهرەمانژ دایكبوویێ سالا (1962) یێ گوندێ تەپكێ ل دەڤەرا دێركێ بوو و ژ مالباتەك جووتیار سادە بوو و ژ دەستپێكا خورتانیا خوە دە تەڤلی رێزێن پارتیا چەپا كورد ل سووریێ بوو یا كو نها مینا بەشكێ ژ پارتیا دەمۆكراتا كوردستان – سوریا یە.

پەكەكێ د دەستپێكا هاتنا وی ژبۆ سووریێ نیزیكبوونا هزری یا پارتیێن چەپێن كوردی ژبۆ خوە بكار ئانین و مینا گەفەكێ ژ پارتیێن تەڤگەرا كوردی ل سووریێ رە بوو و سالا (1985) پەكەكێ گەف ل هەڤالێن پارتیا چەپ ل جهێ ئاهنگێن نەورۆزێ كو نێزیكی گوندێ تەپكێ یە و ب ناڤێ گرێ سپی تێ ناسكرن خوار ، لێ ئەندامێن پارتیێن كوردی مان پێگری جهێ ئاهنگێ و رۆژا نەورۆزێ هەڤالێن پارتیێن كوردی چوون جهێ ئاهنگێ ، لێ هەڤالێن پەكەكێ نەچوو جهێ ئاهنگێ و مان سەر گەفا خوە وهەتا شەفا شازدەهێ گۆلانێ سالا (1986) هات ، ئیدی گرۆپەك نەناس چوون سەر مالا شەهید شیخمۆس و ب پێلانەكێ ئەو ژ مال دەرخستن و برن پشت مالا برێ وی ئیدی گولەك د روویێ وی دە تەقاندن و رێژیما سوورێێ خوەستن تۆمەتێ بخە ستوویێ هەڤالێن پارتیا چەپ و تەڤگەرا كوردی بخوە دە ، لێ هەڤالێن پارتێ ل دادگەهێ ب بلگەیان خوە رزگاركرن ، وپشت رە مینا دیدەڤانان ل دادگەهێ ئامادە بوون ، لەوما رێژیما سووریێ نەچار بوو دو دادوەران ژ ئەسلێ سیان بگورە دا كو تۆمەتێ ل دژی نەناسان تۆمار بكە وئیدی دۆسەیا تەرۆركرنا وی ل دژی نەناسان هات قەید كرن .

دەزگەها شەهیدێن كوردستانا سووریێ یا سەر ب پارتیا دەمۆكراتا كوردستان – سوریا مینا شەهیدەكێ پارتیێ دانین.

وپشتی شەهیدبوونا شێخمۆس ، ئیدی كۆما فلكلۆری یا پارتیێ ناڤێ خوە گوهەری و كرە كۆما شێخۆ یا فلكلۆری وهەمی نەورۆزا بەژدارێ ئاهنگێن نەورۆزێ ل سەر گرێ سپێ گری كو شێخۆ ژبۆ وی شەهید كەتی ، هەر سال دبن.

750