سەركردەیەك كورد بەحسا نەخشە ریێا رۆژهلاتێ چەمێ فراتێ دكە

Apr 15 2019

سەركردەیەك كورد سیناریۆیێن ل پێشییا رۆژهلات ورۆژئاڤایێ فراتێ ئەشكەرە دكە و دبێژە رەوش ل سووریێ بەرڤە چارەسەریێن داوی دچە.

سەركردەیێ كوردێ سووریێ ، دوه رۆژا یەكشەممێ(15.4.2019)، گۆت :" رەوش ل سووریێ بەرڤە چارسەریێن داوی دچە وئەو ژی وێ ل گۆر بەرژەوندیێن دەولەتێن زلهێزبە، تایبەتی پشتی نەمانا رێخستان تەرۆرستی "داعش" ب ئاویەكی لەشكەری ل ناڤچەیێ .

هەر وی سەركردەیی دا زانین كو، چەند سیناریۆ ل پێشییا كوردستانا سووریێ هەنە، ویێ هەری نیزیك ژی، ئەوە كو هێزێن پێشمەرگەیێن رۆژ پاراستنا رۆژهلاتێ چەمێ فەراتێ بكە دگەل هشتنا بەشەك ژ قەسەدێ پشتی پاقژكرنا وێ و هشتنا هێزێن عەرەبی ژ قەسەدێ یێن كون سعوودیێ و دەولەتێن كەندافێن عەرەبی رازی نە ل سەر .

ئەندامێ كۆمیتا ناڤەندی یا پارتیا دەمۆكراتا كوردستان – سوریا ، عبدالرحمن اپۆ، راگهاندن، كو رەوش ل سووریێ بەرڤە چارەسەریێن داویێ دچە وتایبەتی ژی پشتی نەمانا داعشێ ل باغۆزێ.

هەروها دا زانین كو هێزێن ناڤدەولەتی و هەرێمێ دەستپێكرینە وپێشەرۆژا سووریێ نەخشە دكن و دەستپێك ژی ژ كوردستانا سووریێ یە، ودابەشی دو بەشان كرییە كو رۆژهلاتی چەمێ فراتێ هەتا كۆبانێ ئەمەریكا كۆنترۆل كریە و رۆژئاڤایێ فراتێ ژی رۆسیا كۆنترۆل دكە و مەترسیا توركیێ ل سەر دەڤەرێ نەمایە.

اپۆ هەروها گۆت" قۆناغا یەكێ وێ پێشمەرگێ رۆژ دگەل بەشەك ژ قەسەدێ بپارێزە و وێ پرۆژەیا نەتەوەی كوردی وكوردستانی دگەل پرۆژەیا ناڤدەولەتی (هێلا ئەنەرجیێ) بپارێزە.

وبەشی دوەم ژی وێ رۆژئاڤایێ چەمێ فراتی بگرە و هەروها ئەو ژی دڤی دگەل پرۆژەیا نەتەوەی كوردستانی و پرۆژەیا ناڤدەولەتی هەڤبگرە و دێ پێشمەرگەیێن رۆژ ئانگۆ پێشمەرگەیێن كوردستانا سووریێ بپارێزە.

204