ئەمیندارییا گشتی یا ئەنەكەسێ داخویانییەك ژبۆ بانێ شكەفتێ دەرخست

ئیرۆ(14.4.2019)، ئەمینداریا گشتی یا ئەنجوومانا نشتیمانیا كوردی ل سووریێ (ئەنەكەسێ) داخویانیەك دەربارێ گرتن و رەوشا كو ل دەڤەرا دێركێ وگوندێ بانێ شكەفتێ روودایی بەلاڤ كر.

ئەنەكەسێ د داخویانیا ئەمیندارییا خوە دە ، دبێژە، گرۆپەك چەكدار یێ پەیەدێ بهەمی ناڤێن خوە ڤە رۆژا چارشەمی (10.4.2019) ، بسەر گوندێ بانێ شكەفتێ ل دەڤەرا دێركێ دە گرتن وخەلكێ گوند وێ شەڤێ د ترسێ دە هشتن ، وهەروها چار چ ئەندامین پارتیا دەمۆكراتا كوردستان – سوریا گرتن .

د داخویانیا ئەمینداریێ دە هاتییە، كو چەكدارێن پەیەدێ هەر یەك ژ (بسام عبدالقادر وسیبان محمد احمد عمر و نوری یوسف خنجر ورشید محتاج عمر ) گرتن وهەتا نها ژی گرتی نە وهەروها جوانەكی دن ب ناڤێ (میڤان عبدالله كلش) ژی گرتن و چەند پارچەیێن چەكێن تایبەت یێن خەلكێ گوند دەستەسەركرن و بدارێ زۆری وچەكێ خەلكێ گوند ترسان.

هەروها بانگ ل هژمارەك ئەندامێن پارتیا یەكیتیا كوردستانی – سوریا ل دەڤەرا دێركێ كرن و پشتی كو گوتنێن نەخوەش و تۆمەتین خیانەتێ دەرهەقێ وان وسەركردایەتیا ئەنجوومانا نشتیمانی كوردی دە گۆتن ئەو سەربەست بەردان.

ئەمیندارییا ئەنەكەسێ دبێژە، ئەم وەك ئەنجوومانا نشتیمانیا كوردی ل سووریێ كریارێن وها دەرهەقێ وەلاتیێن كورد دە وتایبەتی ژی دەرهەقێ كادرۆیێن ئەنجوومانێ دە شەرمەزار دكن و داخوازێ ژ جڤاكا ناڤدەولەتی و رێخستنێن بەرڤانێ دبەر مافێن مرۆڤ دە دكن وپارتیێن كوردستانی كو فشارێ ل سەر پەیەدی بكە چارەنڤیسا گرتیان ئەشكەرە بكە و مینا ڤان كریاران خزمەتا دوژمنێن كوردان دكە وهەورها كریارێن وها چ جاری ژ خەباتا مە كێم ناكە وئەمێ ژبۆ مافین نەتەوەی یێن كوردان ل كوردستانا سووریێ بخەبتن وبەردەوام بن ل سەر خەباتا خوە.

628