عبدالكریم محمد: كوردستانا سووریێ بەرڤە قۆناغەكە نوو دچە
سەركردەیەك پارتیا دەمۆكراتا كوردستان – سوریا دا زانین كو ناڤچەیێن كوردی ل كوردستانا سووریێ بەرڤە قۆناغەمە نوو دچن.
ئەندامێ پۆلیتبیروویا پارتیا دەمۆكراتا كوردستان – سوریا و بەرپرسێ گشتی رێخستنا پارتی " عبدالكریم محمد د هەڤدیتنەكێ رۆژنامەڤانی دە دەربارێ ناڤچەیێن كوردی ل رۆژهلاتێ چەمێ فراتێ ل كوردستانا سووریێ بەرڤە قۆناغەكە نوو دچن و رێخستنا تەرۆرستی "داعش" مینا هێزەكە لەشكەری ل سەر خاكێ نەما ، لێ وەك هزر وبیر وباوەری هێژی هەیە وبەردەوامە، و وێ پێكهاتەێن دەڤەرێ بهەڤرە ئالیكاربن ژبۆ پاقژكرنا دەڤەرێ ژ داعش و هزرێ وێ ل ناڤچەیێ.
وناڤچە بەرڤە چارسەریەك ورێڤەبەریەك نوو دچە، ووێ ئەمەریكا بكاربە چارسەری نە نوو و پێكهاتی ژ دەڤەریێ رە پێشكێش بكە.
دەربارێ ناڤچەیا ئارام دە، بەرپرسێ رێخستنا پارتی وها گۆت:" نەرینا مە دەربارێ ناڤچەیا ئارام دە نە وەك نەرینا تركانە ، ژبۆ مە ناڤچەیا ئارام ب بریارەك نەتەوەی وناڤدەولەتی ژ نەتەوەیێن یەكگرتی و دبن سەرپەرشتیاریا هەڤپەیمانیا ناڤدەولەتی ب ئاوایەك راست راست بە .
وشێوەیێ رێڤەبەریێ دڤێ هەمی پێكهاتەێن دەڤەرێ ل خوە بگرە ، ودڤێ ئەولەه و دەمۆكرات بە و دادپەروەری ژبۆ هەمی ئالیەكی هەبە و مافێن كوردا تێدە پاراستی بە.
دەربارێ ڤەگەرا رێژیمێ ژبۆ ناڤچەیێن كوردی ل رۆژهلاتێ چەمێ فەراتێ، ئەندامێ پۆلیت بیروویا پەدەكەسێ وەها گۆت، زەحمەتە جارەكی دن رێژیم ڤەگەرا ژبەر كو هەڤپەیمانی و وئەمەریكان ل ناڤچەیێ نە لەوما جهێ رێژیمێ ل دەڤەرێ نینە .
ئەم سووریایەكە نووب ێ تووندرەوی وبێ ستەمكاری وسووریایەكە دادپەروەر وەكهەڤ دخوازن وژبۆ هەمی سووریان بە ، ومافێ هەمی كەمینەێن ئۆلی و نەتەوەی تێدە هەبە.
دەربارێ یەكرێزیا ناڤمالا كوردی دە ، ئەندامێ پۆلیتبیروویا پارتیا دەمۆكراتا كوردستان – سوریا و بەرپرسێ گشتی رێخستنا پارتی " عبدالكریم محمد وەها گۆت:" ئەم چ ئەنجوومانا نشتیمانیا كوردی ل سووریێ بە و چ پارتیا دەمۆكراتا كوردستان – سوریا بە ، دانووستاندن ونیزیكبوونەك ل سەر بنگهەك راست ولۆژیكی دخوازن و مافێن هەر ئالییەك تێدە وەرە پاراستن ، نە دانووستاندن تەنێ ژبۆ دانووستاندنا بن و هەروها گارانتیەكە ناڤدەولەتی ژی هەبە و تایبەتی دەولەتەك مینا ئەمەریكا ژبەر كو ئەو ئیرۆ ل ناڤچەیێ ئامادەییە.
477
