عراق پشنيارا دادگه‌هكرنا چه‌كدارێن داعشێ ل سه‌ر خاكا خوه دكه
حكومه‌تا عراقێ پشنیاره‌ك راده‌ستى هه‌ڤپه‌یمانیا ناڤده‌وله‌تى یا لدژى داعشێ كر تێده داخوازا دادگه‌هكرنا هه‌مى چه‌كدارێن داعشێ یێن كو ل سووریێ هاتنه گرتن به‌رامبه‌ری دۆ ملیار دولار لێ تا نه‌ها هه‌ڤپه‌یمانیێ به‌رسڤا پشنیارا عراقی نه‌دایه .
به‌رپرسه‌كی عراقی پله‌بلند ژ ئاژانسا فرانس پرس ره راگهاند كو عراق پشنیارا دادگه‌هكرنا چه‌كدارێن داعشێ یێن كو نه‌ها ل جه‌م چه‌كدارێن په‌یه‌دێ وقه‌سه‌دێ نه كریه به‌رامبه‌ری دۆ ملیار دولار .
هه‌ر ل گوری ئاژانسا ناڤبوری كو حكومه‌تا عراقی پێشبینى دكه كو نیزیكى هه‌زار چه‌كدارێن داعشێ ل سووریێ گرتینه وپیویستا وان دۆ ملیار دولار هه‌یه ئه‌گه‌ر ئه‌و وان دادگه‌ه بكن ل سه‌ر خاكا عراقێ .
ناڤبوری ته‌كه‌ز كر كو چه‌كدارێن داعشێ یێن كو ل سووریێ نه خودان ره‌گه‌زنامه‌یێن 52 وه‌لاتانه له‌ه‌وما وان پشنیارا خوه راده‌ستى هه‌ڤپه‌یمانیا ناڤده‌وله‌تى یا لدژی داعشێ كر ژ به‌ر كو وان نه‌دكارى پشنیارا خوه راده‌ستى 52 وه‌لاتان بكه لێ تا نه‌ها هه‌ڤپه‌یمانیا ناڤده‌وله‌تى یا لدژى داعشێ تو به‌رسڤ نه‌دایه وان .
341
