ئيران: ئێريشا لهشكهرى توركى ل سهر كوردان شاشتيه
بهرپرسهكی ئیرانى راگهاند كو ئهو پشتگریا پێكئانینا ئیریشهكه لهشكهری توركی ل سهر كوردان ل كوردستانا سووریێ ناكن وتو جاران بهشداریێ د ڤێ ئیریشێ ده ناكن .
سهروكێ كومیتا ئهولههیا نهتهوی ئیرانى د ئهنجومهنا شورى ئیرانى ده حشمت الله فلاحت بیشه ژ میدیایێن ئیرانی ره دیاركر كو د باوهریا وان ده كێشهیا كوردان ب ریێن لهشكهری نایێ چارهسهركرن وپێكئانینا ئیریشهكه لهشكهری ل سهر كوردان خرابه .
حشمت الله ههروهها دا دیاركرن كو ئهو پێشبینى دكن كو كێشهیا كوردان ب ریێن سیاسى واستراتیجى وهره چارهسهر كرن ژ به كو نهها ههمى ئالی ل هێڤیێ نه ژ بو چارهسهركرنا ڤێ كێشهیێ ب باشترین رێ .
دهربارێ جڤینا وهلاتێن گهرهنتیدار ژ كریزا سووریێ ره روسی ئیرانى توركی ل اسیتانا بهرپرسێ ئیرانی ئهشكهره كر كو كارێ ههڤبهش دناڤبهرا ههرسى وهلاتان ده ل سووریێ گهلهك سهركهفتى یه ودا دیاركرن كو سهروكێن كومیتێن سیاسهتا دهرڤه یێ وهلاتێن ناڤبوری گهشتن ئهنجامهكی كو ئهو دكارن دهستپێشخریهكێ پێكشێش بكن دهبارێ سووریێ .
حشمت الله سهرباركر وگوت كو ئهو نهها گرنگیێ ددن چارهسهركرنا كریزا سووریێ لێ بالكشاند سهر وێ یهكێ كو جڤینێن وان نه بتهنێ رهوشا سووریێ گفتوگو دكن وتهكهز كر كو ئهگهر ههیه كو هندهك وهلاتێن دن ژی تهڤلی جڤینێن وان ببن د دهما بێ ده ژ بو چارهسهركرنا كریزا سووریێ .
524
