ڤیدیو .. مالباتا حنیف د رێیا ئاركێ ره بانگا دریاكرنا چارنڤیسا كورێ خوه دكن
آرك نیوز .. تهڤی رزگاركرنا داوی جهێ رێخستنا داعشا تهرۆر لی هین چارهنڤیسا ب ههزاران ژ كورد و عهربێن كو ژ ئالیێ وێ رێخستنێ ڤه هاتبوو رهڤاندن رهش وتاری و نه دیارن .
و هژمارهك ژ رهڤاندییان ژ بۆ قسدێ و پهیهدێ هاتن رادهستكرن لێ دهما كهسوكارێن وهلاتیێن رهڤاندی پرسا رهڤاندیێن خوه دكن بهرسڤێن نهرێنی ددن كهسوكارێن رهڤاندییان .
چیرۆكا جوانێ ب ناڤێ حنیف خلیل حمو یێ ژ ههرێما عهفرینا رۆژئاڤایێ كوردستانێ یهك ژ وان چیرۆكانه كو بهریا شهش سالان ل ههرێما عزازێ یا دهردۆرا حهلهبێ ژ ئالیێ رێخستنا داعشێ ڤه هاته رهڤاندن وتهڤی كو كهسوكارێن وی ل سهر كهنالان دیتن كو كورێ وان ژ بۆ پهیهدێ تێ رادهستكرن لێ تا نها تو ئاگاهی ل سهر وی تونهنه .
محمد حمو كو ب خوه برازیێ حنیف د دهما بهشدارییا خوه د بۆلتهنا ئاركێ ده ژ راگهاند كو ئابێ وی و یێ بناڤێ حنیف خلیل حمو یێ ژ گوندێ كیمارێ د رێكهفتا 3 مهها ههفتان سالا دووههزار سێزدههان ل گوندێ صۆران یێ گرێدای ههرێما عزازێ ژ ئالیێ رێخستنا داعشا تهرۆر ڤه هاته رهڤاندن وژ وێ دهمێ ڤه تا بهریا رزگاركرنا باغۆزێ تو ئاگاهی ل سهر تونه بوون .
حمو سهربار كر كو د دهما هن وهلاتی خوه ژ بۆ یهپهگێ رادهستدكرن مالباتێد كهنالهكێ ده كورێ خوه دیتبوون ود رێیا جل وبهرگێن وی ره ئهو ناسكربوون .
ل گۆر ههمان ژێدهرێ كو تهڤی ههولێن بهردهوام ژ مالباتێ ژ بۆ دیاركرنا چارنڤیسا كورێ خوه لێ ژێدهرهكێ ژ قهسهدێ ژ وان ره گۆتیه تو ئاگاهی ل سهر ههبوونا حنیف ێ 33 سالی تونهنه .
محمد حمو د رێا ئاركێ بانگ رێخستنێن ماڤێ مرۆڤان كر كو چارهنڤیسا ئابێ خوه دیار ببه وههرهها ژ پهیهدێ خوهست كو ئهگهر ل جهم وان به سهربست بهرده داكو ڤهگهر ناڤ مالباتا خوه .
چیرۆكا وهلاتیێ كورد یێ ب ناڤێ حنیڤ یهك ژ چیرۆكا ب ههزاران وهلاتیێن كورد و عهرب یێن ل جهم داعشا تهرۆر رهڤاندی نه و ههردهم هیڤێ و ئۆمیدا مالباتێن رهڤاندییان ئهو بۆ كو پشتی رزگاركرنا داویترین جهێ داعشێ ل باغوزێ چارنڤیسا وان خویا ببه ل هێڤی ب نهدیاربوونا چارنڤیسا رهڤاندیێن ل جهم داعشێ ب رهدكرنا پهیهدێ ژ زانینیا چارنڤیسا وان رهڤاندییان ره وهندا بوو .
ش.ع
407