ئيرو پێنج سال ب سهر دامهزراندنا پهدهكهسێ ڤه دهرباس دبن
وهكه ئیرو بهریا پێنج سالان حهفت پارتیێن كوردی بون یهك پارتی دبن ناڤێ پارتیا دیموقراتا كوردستان- سوریا پهدهكهسه كو ژ وێ روژێ ده وتا نهها پارتیا دیموقراتا كوردستان- سوریا بهردهوامه د كار وخهباتا خوه ده ژ بو بدهست خستنا مافێ گهلێ كورد ل كوردستانا سووریێ .
پشتی ههولدانێن مهزن ژ بو یهكبونا تهڤگهرا سیاسى كوردی و دبن سهرپرشتیا سهروك مهسعود بارزانی حهفت پارتیێن كوردستانا سووریێ د روژا 7-4-2014 پارتیا دیموقراتا كوردستان- سوریا دامهزراندن .
د كونگری كو سێ روژان ل ههولێرا پایتهخت بهردهوام كر 640 ئهندام ئامهدهبون وسعود الملا وهكو سكرهتهرێ پارتیێ هاته هلبژارتن ده ههروهها 50 ئهندامێن كومیتا ناڤهندی یێ پارتیێ هاتن هلبژارتن .
د بهیانامهیا داوى یا كونگرێ یهكهم یێ پارتیێ ده هاتیه كو ئهڤ پارتی هاتیه دامهزراندن ژ بو كو هێڤیێن گهلێ كورد بجه بینه ب یهك رێزیا تهڤگهرا سیاسى كوردى وئهكتیڤكرنا رولا ئهنجومهنا نشتمانى یا كورد ل سووریێ و وبهردهوامبون د كار ده ل سهر رێبازا بارزانیێ نهمر .
ئهڤ پارتی هاته دامهزراندن وهكو بهردهوامیهكێ ژ پارتیا دایك ل سووریێ یا كو د سالا 1957ان هاته دامهزراندن , كو پارتیا دیموقراتا كوردستان- سوریا ژی هاته دامهزراندن دبن سلوگانێن یهكبون , نوكرن , پێكڤه ژیان .
ژ دهما دامهزراندنا پارتیا دیموقراتا كوردستان- سوریا وتا نهها بهردهوامه د كار وخهباتا خوه ده ژ بو خزمهتا گهلێ كورد ل كوردستانا سووریێ ههروهها رولهك وێ یا گرنگ د ناڤا ئهنجومهنا نشتمانى یا كورد ل سووریێ و ههڤپهیمانیا نشتمانى یا ئوپوزسیونا سووریێ ههبو .
559
