ئەنەكەسە جڤینەك ژبۆ خوەجهیێن خوە یێن ناڤچەیا رۆژهلات لدارسخت
ئەنجومەنا نشتیمانی یا كوردی ل سووریێ جڤینەك ژبۆ خوەجهیێن خوە یێن ناڤچەیا رۆژهلات لدارخست، تێ دە پێشهاتەیێن داویێ و رەوشا رێخستنی هاتن گەنگەشەكرن
دوه رۆژا ئینی خوەجهیێن دێرك، گركێ لەگێ، چل ئاغا، نەسردین برهك، تربەسپی و سنجەق یێن ئەنجومەنا نشتیمانی یا كوردی ل سووریێ جڤینەكە خوە یا ئاسایی لدارخست.
جڤین ب ئامادەبوونا بەرپرسێ ئۆفیسا كارووبارێن خوەجهیێن ئەنەكەسە مەحسن تاهر هات برێڤەبرن.
مالپەرا فەرمی یا ئەنجومەنا نشتیمانی یا كوردی ل سووریێ دەربارێ وێ جڤینێ بەلاڤكریە كو رەوشا رێخستنی و یا كارگێری یا خوەجهیێن ئەنەكەسە هەروەها پێشهاتە ورەوشا سیاسی و پەیوەندی ب وەلاتێن جیران هەروەها پەوەندیێن كوردان یێن دەرڤە، د وێ جڤینێ دە هاتن گەنگەشەكرن.
جڤینا ئاسایی یا خوەجهیێن ئەنجومەنێ هەڤدەمی وێ یەكێ تێ كو هەموو ئۆفیسێن وێ ویێن رێخستن و پارتیێن وێ ژئالیێ پارتیا یەكیتیا دیموقراتیك ڤە هین گرتی نە، هەروەها پشتی وێ یەكێ تێ كو د مەها ئادارا بۆری دە و تەڤی ئاستەنگی و رێگریێن پەیەدێ، ئەنجومەنێ چالاكینە بەرفرەه ب بەشداریەكە جەماوەری مەزن لدارخستن.
384
