پەنابەرەك كوردێ سووریێ ل توركیێ ب دەستێ كوردەكی خەلكێ باژارێ سروجێ هات كوشتن

دوه ، رۆژا سێ شەممێ(2.4.2019)، پەنابەرێ كۆبانێ یێ ب ناڤێ حمودە بكر خلیل ل باژارێ ترسۆسێ یێ توركیێ ل سەر دەستێ كوردەكی خەلكێ باژارێ سروجی هات كوشتن .

پشتی ئیریشا رێخستنا تەرۆری داعشێ ل سەر باژارێ كۆبانێ ب پێلان خەلكێ كۆبانێ وگرێ سپی كۆچبەری توركیێ وهەرێما كوردستانێ بوون.

وپشتی شكەستنا داعشێ ل كۆبانێ و تەڤاهییا ناڤچەیێ و نها ژی نەمانا وان ل سووریێ ژی ، لێ دیسان مللەتێ كۆبانێ ڤەنەگەریان سەر مال ومولكێن خوە ل كۆبانێ، تەڤی كو ل توركیێ ودەربەدەریێ راستی گەلەك زەحمەتی و نەخوەشی وئاستەنگییا تێن ، مینا دووركەتنا زارۆكان ژ خوەندنێ و كاركرنا كاسبكار وكاركەران و نەوەرگرتنا كرییا بەرمابەر كارێ خوە ژ ئالیێ كەسێن خوەدی كار و هێز ڤە .

جوانێ ب ناڤێ حمودە بكر خلیل ژی قوربانا مافێ خوە بوو، دەما كو وی كار دگەل یەك ژ كوردێن توركیێ كو خەلكێ باژارێ سروجێ بوو، دكر، ناڤبووری داخوازا كرییا خوە ل وی خودان كاری كو كوردێ توركیێ یە كر ، ئیدی شەر دناڤبەرا وان دە، دەركەت و وكوردێ توركێ حمودێ كوشت.
هەر ڤێ دەربارێ دە، ئالیگرێن پەكەكێ وپەیەدێ ل سروجێ بلەز ملگرییا وی تاوانبارێ كوردێ توركێ كرن و ب وێ هنجەتێ چەند دوكان و مالێن پەنابەرێن كۆبانێ شەوتاندن و ژ وان رە گۆتن كۆبانێ ئازادە چما هون ناڤەگەرن كۆبانێ؟؟؟.

پرسیار ل ڤێ دەرێ ئەوە، گەلۆ ما دام كۆبانێ ئازاد دە و پەیەدێ رێڤەبەرییا وێ ژی نها دكە، لێ چما مللەتێ كۆبانێ وگرێ سپی و ناڤچەیێ كوردی ڤەناگەرن سەر مال ومولك و گوندێن خوە.

سێ باری مللەتێ كۆبانێ ل توركیێ دناڤا كەمپێن پەنابەرتیێ مینا كەمپا علی كۆر كو 40 هەزار پەنابەر ل خوە دگرە ، ود ناڤا باژارێن توركێ دە، دمینن، تەنێ سینۆر دناڤبەرا وان و باژارێ وان (كۆبانێ) دە یە ، لێ دیسان ئەو هەتا ڤێ گاڤێ ژبەر سیاسەتێن پەیەدێ ، مللەتێ كورد رازی نەبوویە ڤەگەرن كۆبانێ وناڤچەیێن خوە.

621