مه‌ترسى ل سه‌ر ژيانا 73 هه‌زار كه‌سى ل كامپا الهول هه‌يه
روژنامه‌یه‌كه ئه‌مریكى بناڤ وبانگ راگهاند كو چاره‌نڤیسا ب هه‌زاران كه‌س ل كامپا الهول ل گونده‌وارێ حه‌سه‌كێ كو پرانیا وان ژن وزاروكن د مه‌ترسیه‌ك مه‌زن ده یه .
روژنامه‌یا واشتنون پوست یا ئه‌مریكى د راپورته‌كه خوه ده دیاركر كو چاره‌نڤیسا 73 هه‌زار كه‌سی ل كامپا الهول د مه‌ترسیێ ده یه ژ به خرابیا خوارنێ هه‌روه‌ها گه‌له‌ك سه‌دمێن دن .
راپورتا ناڤبوری ئه‌شكه‌ره كر كو پرانیا خه‌لكێن د كامپێ ده كه‌سێن كو ژ ده‌ڤه‌رێن دبن كونترولا داعشێ ده‌بون وگه‌له‌ك جاران بریندار ده‌رباسى كامپێ دبن ونایێن چاره‌سه‌ر كرن .
ل كامپا الهول بته‌نێ سێ نورینگه‌ه ئانكو عیاده هه‌نه ته‌ڤی هه‌بونا ب ده‌هان نه‌خوه‌ش وبریندارێن شه‌ر كو پرانیا جاران ب ده‌رمانێن ده‌ست پێكى وسه‌ره‌تایی تێن پێشكێش كرن .
ل گوری ئامارێن ناڤده‌وله‌تى كو د حه‌فتیا بورى ده 31 كه‌سی ژیانا خوه ژ ده‌ست دا ل سه‌ر ریا كامپێ وهنده‌ك ژی دناڤا كامپێ ده ژ به‌ر برینێن وان یێ كور یان ژی ژ به‌ر خرابیا خوارنێ كو هژمارا گشتی یا قوربانیان گهشته 217 كه‌سی .
ته‌ڤی كو نه‌ته‌وێن یه‌گرتى راگهاند كو ئه‌وێ 4.3 ملیون دولار پێشكێشی نه‌شته‌جیێن كامپێ بكن لێ ره‌وشا وان خه‌لكان هه‌ر خرابه كو گه‌له‌ك ره‌خنه ل چه‌كدارێن په‌یه‌دێ وقه‌سه‌دێ تێ كرن بتایبه‌ت كو ئه‌و كامپ ژ ئالیێ كه‌سن ب سه‌ر وان ڤه تێ رێڤه‌برن .
575
