ئهمينداريا گشتى يا ئهنهكهسێ داخويانيهك بهلاڤ كر
ئهمینداریا گشتی یا ئهنجومهنا نشتمانى یا كورد ل سووریێ داخویانیهك بهلاڤ كر تێده بهحسا پێشهاتهیێن داوی یێن دهڤهرێ بگشتی كرن ههروهها بهحسا ههڤدیتنێن خوه ب ئالیێن ناڤدهولهتى ره كرن .
د وێ داخویانیێ ده بهحسا جڤینێن ئهنجومهنێ ب وهلاتێن ب باندور دهربارێ سووریێ مینا ئهمهریكا وئهلمانیا وفهرهنسا وروسیا وكهنهدا وهولهندا كو ئهڤ جڤین ب ئهرینی وهسف كرن ههروهها تهكهزی ل سهر گرنگیا بهدرهوامیا كارێ دبلوماسى هات كرن .
دهربارێ دهڤهرا ئارام ئهنهكهسێ دیاركر كو پیویسته ئهو دهڤهر دبن سهرپرشتیهك ناڤدهلوهتى ده به ژ بو دل رهحهتیا پێكهاتهیێن دهڤهرێ و ژ بو پهیداكرنا ئهولههیێ وئاڤاكرنا رێڤهبهریهك ههڤگرتى وهێزهكه ههڤبهش ژ ههمی پێكهاتهیێن دهڤهرێ كو لهشكهرێن روژ رولهك وان یا گرنك ههبه تێده .
جڤینا ئهنهكهسێ بهحسا بداوى هاتنا رێخستنا داعشێ كرن وئهشكهره كرن كو ریا ههری باش ژ بو ژناڤبرنا تهرورێ ئهوه ئهكتیڤكرنا پروسهیا سیاسى ل سووریێ وبانگ ل پهیهدێ كر كو دهڤ ژ كریار وسیاسهتا خوه دهربارێ ئهنجومهنێ بهرده وپهیداكرنا ئهتموسفیرهكى ژ بو دیالوكێ ب ئهنجومهنا نشتمانى یا كورد ل سووریێ ره .
ئهنهكهسێ ههروهها گرتنا وهلاتیان ژ ئالیێ گروپێن چهكدار ل عهفرینێ شهرمهزار كر ههروهها دزی ومال وێران كرنا كو وێ دهڤهرێ رودده ههروهها گوههرتنا دیموغرافی وقههغهكرنا شاهیێن نهروروزێ كو داخواز ژ جڤاكا ناڤدهولهتى كر كو رێگریێ ل ڤان بنپێكرنان بكن و وان گروپان ژ عهفرینێ دهرخینن .
ئهنهكهسێ ههروهها سهرباركر وگوت كو بریارا سهروكێ ئهمهریكا دهربارێ سهروهریا ئسرائیل ل سهر جولانا سووریی رهوشا روژهلاتا ناڤین تێك دده و لدژی بریارێن نهتهوێن یهگرتى رادوهسته .
د داویێ ده ئهنهكهسێ سباسیا گهلێ كورد ل كوردستانا سووریێ كر ل سهر بهشداریا وان یا بهێز د چالاكیێن ههیڤا ئادارێ ده وداخوازا لدارخستنا چالاكیێن سیاسی وجهماوهری بێهتر كر د دهما بێ ده .
328