رێخستنهك مروڤى بهحسا ژ شێوهخستنا تهرمان ژ ئاليێ پهيهدێ ڤه دكه
رێخستنهك مروڤی ئاگداری دا ژ بهر كریارێن پهیهدێ یێن بهردهوام ل سووریێ بتایبهت شێوهخستنا تهرمێ مروڤان دناڤا گورستانێن بگشتی بتایبهت ل پارێزگهها رهقایێ .
تورا سوری یا مافێ مروڤان راگهاند كو دهردورا 4247 كهس ههنه ل پارێزگهها رهقایێ وندانه وچارهنڤیسا وان نهدیاره كو تێ پێشبینى كرن كو دناڤ وان كهسێن كو هاتنه ڤهشارتن د گورستانێن ب كوم ده بن .
راپورتا ناڤبوری د راپورتا خوه ده ئهشكهره كر كو شهرێ داوی ده یێ چهكدارێن پهیهدێ ل سهر پارێزگهها رهقایێ 2323 سڤیلی هاتن كوشیتن دناڤ وان ده 543 زاروك و 346 ژن ههبون كو پرانیا وان د گورستانێن بكوم ده هاتن ڤهشارتن .
ههروهها راپورتێ بالكشاند سهر وێ یهكێ كو 4823 سڤیل دناڤ وان ده 922 زاروك و 679 ژن ل پارێزگهها رهقایێ ژ ئادارا 2011ان ههتا ئادارا 2019ان هاتنه كوشتن كو رێژیما سووریێ 1829 كهس كوشتن وچهكدارێن روسی 241 كهس كوشتن و داعشێ 942 سڤیل كوشتن و چهكدارێن پهیهدێ 308 سڤیل كوشتن وههڤپهیمانیا ناڤدهولهتى 1133 سڤیل كوشتن و 367 كهسێن دن ل سهر دهستێ ئالیێن نهناس هاتن كوشتن .
راپورتێ سهرباركر وگوت كو نیزیكی 4247 كهس ژ پارێزگهها رهقایێ وندانه دناڤ وان ده 219 زاروك و 81 ژن ههنه كو 1712 ل سهر دهستێ رێژیمێ بنچاڤ بون و 2125 ل سهر دهستێ داعشێ وندابون و 288 كهس ل سهر دهستێ پهیهدێ وندابونه.
د داویا راپورتێ ده تورا ناڤبوری ئهشكهره كر كو ئهگهر ههیه كو تهرمێن وان سڤیلێن كو هاتنه كوشتن ژ ئالیێ پهیهدێ ڤه هاتبن شیوهخستن ههروهها مهترسیا ژ بهردهوامیا كریارێن ب ڤی ئاوهیێ دیاركر وداخواز ژ ئالیێن ناڤدهولهتى كر كو لیكولینهك جدی د ڤی واری ده ڤهكن وكهسێن تومهتبار سزابكن .
شێوهخستن
455