خوه‌پێشاندانه‌ك ل دژى په‌يه‌دێ ل دێرا زورێ ده‌ركه‌ت
خوه‌پێشاندانه‌ك نه‌رازیبونێ ل دژی چه‌كدارێن سوریایا دیموقراتیك وچه‌كدارێن په‌یه‌دێ ل دێرازورێ ده‌ركه‌ت د ئه‌نجام ده چه‌كدارێن قه‌سه‌دێ هه‌مو ریێن وی باژاری گرتن .
ل گوری زانیاریاریێن ئاركێ كو دوه وه‌لاتیێن باژاروكێ الكسره ل گونده‌وارێ دێرا زورێ خوه‌پێشاندانه‌ك لدارخستن ل دژی چه‌كدارێن قه‌سه‌دێ وه‌كو نه‌رازیبونه‌كێ ل سه‌ر بهابونا نه‌رخێ مازوتێ د ده‌ڤه‌رێ ده .
د وێ خوه‌پێشاندانێ ده سلوگانێن ل دژی رێڤه‌به‌ریا چه‌كدارێن په‌یه‌دێ ژ ده‌ڤه‌رێ ره هاتن بلند كر هه‌روه‌ها گه‌له‌ك سلوگانێن دن كو په‌یه‌دێ نه‌چار بو هه‌مو ریێن سه‌ره‌كه یێن باژاری قاپات بكه .
ئه‌ڤ یه‌ك هه‌ڤده‌می كو هاته راگهاندن كو چه‌كدارێن په‌یه‌دێ عه‌نبارێن پترولێ ومازوتێ به‌رڤ ده‌ڤه‌رێن رێژیما سووریێ ده دشینن ته‌ڤی كو پرانیا زه‌ڤیێن پترولێ یێن سووریێ بگشتی نه‌ها د بن ده‌ستێ چه‌كدارێن په‌یه‌دێ ده نه .
به‌ریا چه‌ند حه‌فتیه‌كێ ژی خوه‌پێشاندانه‌ك ژنان ژی ل دژی چه‌كدارێن په‌یه‌دێ وقه‌سه‌دێ ل كامپا الهول ده‌ركه‌ت وه‌كو نه‌رازیبونه‌كێ ل سه‌ر رێڤه‌به‌ریا وان چه‌كداران ژ وان ره هه‌روه‌ها وه‌كو نه‌رازیبونه‌كێ ل سه‌ر ره‌وشا ژیانێ یا كو تێده دژین وگه‌له‌ك داخوازیێن وان خوه‌پێشانده‌ران هه‌بون كو په‌یه‌دێ به‌رێ خوه دا وێ یه‌كێ كو هژماره‌ك وان خوه‌پیِشانده‌ران بگره .
437
