گرۆپێن چەكدار ل عەفرینێ بازرگانیێ بمادەیێن هشبر دكن

رێخستنەك یا مافێن مرۆڤان ل عەفرینێ ئەشكەرە كر كو گرۆپێن چەكدار بازرگانیێ بمادەیێن هشبر و رێكلامێ ژبۆ بكارئانینا مادەیێن هشبر دكە.

رێخستنا مافێن مرۆڤان ل عەفرینێ دوه رۆژا سێشەممێ(26.3.2019) راگهاند كو كریارێن گرۆپێن چەكدار ل هەرێما عەفرینێ مینا كریارێن شاخێن ئەولەهیێ یێن رێژیما سووریێ دەرهەقێ مللەتێ سووریێ دە نە.

رێخستنا مافێن مرۆڤان ل هەرێما عەفرینێ داخویانیەك ڤێ دەربارێ دە بەلاڤ كر و تێدە گۆت:" هێژی گرۆپێن چەكدار ل عەفرینێ ل سەر كریارێن خوە ل دژی خەلكێ عەفرینێ و بەردوامە وب هەمی جۆر وئالاڤێن خوە تووندوتیژی دەرهەقێ مللەتێ كورد ل عەفرینێ دە دكە و كریارێن وی مینا كریارێن رێژیما ئەسەد دەرهەقێ خەلكێ سووریێ دە."

رێخستنێ زەلال كر كو گرۆپێن چەكدار مینا لواء شمال ئامادەكاریێن چاندنا مادەیا حەشیشێ ل ناڤچەیا نەبی هۆری و هەردو گوندین شلتاح ومرساوا دكە وجوتیارێن پەنابەر هان ددە كو حەشیشێ بچینە.

هەروها رێخستنا مافێن مرۆڤان داخواز ژ ئالیێن بەرپرسیار كر كو ئەركێ خوە رابە و كار بكە ل سەر قەدەغكرنا چاندنا مادەیێن هشبر ژبەر كو ئەو یەك جڤاكێ ژناڤ دبە و رەفتارێ جڤاكێ بەرڤە خرابیێ دبە.

ژ ئالیێ خوە ڤە پۆلیسێن سڤیل – بەشێ نەهشتنا مادەیێن هشبر- ل ناڤچەیا بلبلێ دەست ب سەر وەلاتیەكێ خەلكێ غۆتا دە گرت كو كۆمەك ژ مادەیێن هشبر وچەك هلگرتبوو و خوەستبوو ژبۆ عەفرینێ ڤەگوهێزە.

هەروها رێخستنێ د داخویانیا خوە دە گۆتبو ، دوه ئارتێشا توركیێ چار ئەندامێن گرۆپا حمزات ل باژارۆكێ باسۆتێ گرتبوو ، ژبەر كریارێن وان یێن رەڤاندنێ و قاچاغی كرنا مادەیێن هشبر درییا چیایێ الاحلام دا كو بگهینە هەردو باژارۆكێ نبل وزهرایێ یێن كو دبن كۆنترۆلا ئیرانێ وسووریێ دە.

رێخستنێن بانگ ل مللەتێ عەفرینێ وپەنابەران كر كو دوور بكەڤن ژ ڤی كارێ مەترسیدار و بكارئانینا مادەیێن هشبر ژبەر كو مەترسییەك راستەقینە ل سەر جڤاكێ چێ دكە.

ر.ع

355