ل تربەسپی پەیەدێ دەست ب رەڤاندنا جوانان كریە

چەكدارێن پارتیا یەكیتیا دیموقراتیك پەیەدێ د هلمەتێن خوە یێن رەڤاندنا جوانێن كورد ل ناڤچەیێن رۆژئاڤایێ كوردستانێ بەردەوامن، هەری داوی ژی ل ناڤچەیا تربەسپی و ئالیان ژی دەست ب هلمەتەكێ كرنە.

دوهه دەورینە چەكدارێن پەیەدێ ل ناڤا باژارۆكێ تربەسپیێ و ل سەر رێیێن سەرەكە یێن ناڤچەیێ هەروەها ل سەر رێیا گوندێ تل مەعرووف رێدگرتن و جوانێن كورد ژبۆ لەشكەریا خوە یا نەچاری درەڤاندن.

ل گۆری ژێدەرەكە تایبەت كو نەخوەست ناڤێ وی وەرە ئەشكەرەكرن، كو دەوریێن چەكدارێن پەیەدێ ئێریشی ناڤچەیا پیشەسازیێ یا باژارۆكێ تربەسپیێ ژی كر و هەژمارەك جوانێن كورد رەڤاندن.

ل باژارێ قامشلۆ ژی یێ رۆژئاڤایێ كوردستانێ چەكدارین پەیەدە هەلمەتەكە گرتنا جوانان بۆ لەشكەریا نەچاری كرن , وخالێن پشكنینێ بۆ گرتنا جوانان ل دەوارا اوسمان صبری , بازارا عەرەبووكا , دەرگەهێن بازارا سەرەكە یا قامشلۆ , قەناە السوێس , عەلایا , دەوارا سۆنی , نەخوەشخانەیا سەلام , رێا حلكۆ , ودەرگەهێن سەرەكە یێن باژارێ قامشلۆ دانین ..

ل ناڤچەیێن رۆژئاڤایێ كوردستانێ ناڤبەرا دەم و دەمەكێ دە چەكدارێن پەیەدێ دەست بهلمەتێن رەڤاندنا جوانان دكن، و بهەزاران ژ جوانێن كورد لناڤچەیێن دەرڤەیی رۆژئاڤایێ كوردستانێ نەخاسم ل رەقا و تەپقا و دێرازۆرێ و منبجێ دانە شەهیدكرن، و ژبەر سیاسەتێن پەیەدێ رێژەیەكە بلند یا جوانێن كورد ژ رۆژئاڤایێ كوردستانێ كۆچبەربوونە

655