5 بەنداڤێن ل ناڤچەیا دێركێ ناس بكە
ل ناڤچەیا جزیرێ یا رۆژئاڤایێ كوردستانێ دەه بەنداڤ هەنە، پێنج ژ وان بەنداڤان ل ناڤچەیا دێركێ نە، ئەو بەنداڤ دناڤبەار بچووك و مەزن دە ژ ئالیێ رێژەیا كو دكارە ئاڤێ ڤەحەوینە هاتنە ئاڤاكرن، ئەو ژی ئەڤن.
بەنداڤا سەفان وەكە بەنداڤا هەری مەزن ل پارێزگەها حەسەكێ یە، شەش كیلۆمەتەریان دكەڤە باشوورێ رۆژئاڤایێ دێركێ، دكارە چل و هەشت مەلیۆن متر سێجار ئاڤ ڤەحەوینە، ژ سینۆرێ باكورێ كوردستانێ دەستپێدكە تا گوندێ گرێ ڤرا، و ژور چەمێ سەفان ژ بەنداڤێ دەردكەڤە تا چەمێ دچلەیێ درێژ دكە.
بەنداڤا بۆرزێ، دوو كیلۆمەتەریان دكەڤە رۆژهلاتێ باژارێ دێركێ، نێزیكی گوندێ بۆرزێ یە، دكارە سێ پۆینت دوو مەلیۆن متر سێجارە ئاڤ ڤەحەوینە.
بەنداڤا باشۆتێ، شەش كیلۆمەتەریان دكەڤە باكورێ رۆژهلاتێ باژارێ دێركێ، دكارە شەش مەلیۆن سێجارە ئاڤ ڤەحەوینە.
بەنداڤا زەخیرە نێزیكی گوندێ زەخیرە یە دەدرۆا دوو كیلۆمەترەیان دووری باژارۆكێ چل ئاغا یێ بسەر دێركێ ڤەیە، دكارە بیست و سێ مەلیۆن متر سێجارە ئاڤ ڤەحەوینە.
بەنداڤا پێنجان، بەنداڤا چل ئاغایە، دەردۆرا چل كیلۆمەترەیان دكەڤە باشوورێ رۆژئاڤایێ دێركێ، سالا هەزار و نەهەسەد و حەفتێ و چاران هاتیە ئاڤاكرن، دكارە دەه مەلیۆن مەتر سێ جارە ئاڤ ڤەحەوینە.
ناڤچەیا دێركێ وەكە ناڤچەیەكە پر ئاڤ و چاندنی و پەترۆلێ تێ ناسكرن، ژ ئالیەكی ڤە چەمێ دجلە و ژ ئالیەكی ڤە ژی پێنج بەنداڤێن وێ هەنە، و ل سووریێ د پلەیێن پێشین دەیە ژ ئالیێ چاندنی و پەترۆلێ ڤە، تەڤی وێ یەكێ ژی ل سەر ئاستا سووریێ و مینا گەلەك ناڤچەیێن دن یێن رۆژئاڤایێ كوردستانێ راستی خەمساری و كێمخزمەتگوزاریێ ژ ئالیێ رێژیما ئەسەد و دەستهلاتداران ڤە هایتە.
469
