حواس عگید: من دجڤینا دەستەیێ ب پێدرسۆن رە داخوازا مافێن كوردان كر

حواس عگید د جڤینا دەستەیا دانووستاندكارا سووریێ ب شاندەیێ ناڤدەولەتی ب سووریێ گیر پێدرسۆن رە داخواز كر كو مافێن مللەتێ كورد ل سەر پرەنسیپێن لهەڤهاتنێ بن نە دەنگدانێ بە.

ئەندامێ دەستەیا دانووستاندكارا سووریێ دەربارێ جڤینا دەستەیێ دگەل شاندەیێ ناڤدەولەتی تایبەت ب سووریێ گیر پێدرسۆن رە گۆت:" د دەما جڤینا مە ب پیدرسۆن رە تەكەزی ل سەر دۆزا كوردی ل سووریێ كر و گۆت دۆزا كوردی دۆزا مللەتەكی كو ل سەر خاكا خوە یا دیرۆكی دژی ودۆزەكی نشتیمانی سیاسی یە و حەوجەیێ چارەسەریەكە توافقی دادپەروەر هەیە، وچێ نابە بكەڤە پرۆسەیا دەنگدانێ ویاسایا پرانی و كەمینیێ ب چ ئاوایەك ."

هەروەها عگید گۆت" ناڤچەیا كوردی ل سووریێ نە تەنێ دوورپێچكرییە د رۆژهلاتێ چەمێ فەراتێ وەكو كو راگهاندنێ دە ڤێ داویێ تێ باسكرن، لێ كوردستانا سووریێ هەتا عەفرینێ ل رۆژئاڤایێ فەراتێ درێژ دبە ، وكورد ژ دەرڤەیێ هەرێمێن كوردی ل گەلەك باژاروپارێزگەهێن سووریێ مینا شامێ وحەلەبێ بجه دبن ، لەوما تێ خوەستن دۆزا كوردی مینا دۆزا مللەتەكی كو چارچۆڤەیا سنۆریێ دەولەتا سووریێ دژی ، وەرە باسكرن."

حواس عگید، دا زانین كو تشتێن هەری خراب كو رێژیما سووریێ بانگا دەمۆكراتیێ كر و ل گۆر نەرینا وێ د دەنگدانا دەستۆری یا هەردو سالێن (1973)و(2012)، دە كو وەلاتیێ كورد مینا وەلاتیێن كوردێ عەرەبێ سووریێ دا زانین، وئەو تشت ل سەر باج وناسنامە ودیكۆمێنتێن كورد نڤیسی و وسووریا بهەمی چاند و كلتۆر وشارستانیەتا خوە ڤە وب رەنگ و پێكهاتەێن خوەڤە ب ناڤێ پێكهاتەیا عەرەب هات ناسكرن وكورد ژی مینا هەمی پێكهاتەێن دن ب عەرەب هاتن ناسكرن، وهەرها عگید سەربار كر و گۆت مە ژ دەستپێكا شۆرەشا سووریێ ڤە تەكەزی كرییە و ل دژی چارەسەریا لەشكەری بوون ومە رەوش بەرڤە چارەسەرییا سیاسی ئاژۆتییە، وئەو هێژی رژدن ل سەر بجهكرنا بریارا ناڤدەولەتی (2254)، وداخویانیا جنیف 1 وداخویان ریاد 2".

د داوییا گۆتنا خوە دە ، عگید باسا كۆمیتا دەستۆرێ ورێكارێن گرێدایی وێ كر و گۆت پرۆسەیا دەستۆریێ وەك دەرگەهەكێ یە ژبۆ پرۆسەیا سیاسی و دڤێ بەحسا هەمی مژارێن دن وەرە كرن وب چ ئاوایەكی هلبژارتنێن دەمۆكراتی نایێن كرن ئەگەر ژینگەیەك هێمن وبێ لایەن نەبە و هەروها دۆسەیا گرتی و پەنابەران ژی پێدڤییا وان ب ئاتمۆسفێرەكە ئارام و بێ لایەن هەیە وەك گەرەنتیەكێ ژبۆ ڤەگەرا پەنابەران وئازادكرنا گرتییان مینا ئاڤاكرنا باوەریەكێ دناڤبەرا مە ورێژیمێ دە.

ژ ئالیێ خوە ڤە شاندەیێ ناڤدەولەتی تایبەت ب سووریێ پیدرسۆن تەكەزیێ ل سەر چارەسەرییا سیاسی ل سەر بنگەهێن بریارێن ناڤدەولەتی دەربارێ سووریێ دە كر و گۆت دڤێ سووریەكە نوو دەمۆكرات ورەنگورەنگ وەرە ئاڤاكرن و هەمی سووریێ وپێكهاتە مافێن خوە تێدە وەربگرن و لگۆر دەستۆریێ.

ر.ع

611