فيديو .. هوورگولیێن راپهرینا 2004 ل عهفرینێ
آرك نيوز .. راپهرینا 12 ئادارێ 2004 رێژیما ئهسهد ژ بنی ده هژاند و ههموو ههرێم و گوند وباژار و باژارۆكێ كوردی و باژارێن سهرهكه یێن عهربی وهك حهلهبێ وپایتهختا سووریێ شامێ ل خوه گرت .
ب دهنگهنكی بلند بانكرن ودروشم وسلۆگانێن ل دژی رێژیمی هاتن بلندكرن وراكرن كو د وێ دهمێ ده پهیكهرێ حافز الاسد ل عامودا و دێركێ و ێنهێن وي و بشار و ئالا رێژیمی ل ههموو باژارێن كوردی هاتن شهوتدان و داخستن .
ل عهفرینێ و تاخێن كوردی ل حهلهبێ شێخ مقصود و ئهشرفیێ د 16 مههێ ده راپهرینا جهماوهری دهسپێكر ئانگو پشتی قامشلۆ ب چار رۆژان بوو كو وخهلك وهكه ههر سال خولهكه بێ دهنگ ل سهر جانێ پاكرهوانێن حهلهبجه راوهستیان پشتره بوو راپهرین وشۆرهش ل دژی كریارێن رێژیما ژ كوشتنا سڤیلان ل قامشلۆ و باژارێن كوردی دهست پێكر ول ههمبهر چهكدارێن رێژیمێ ب سینگێن خوه راوهستیان .
لێ رێژیما ئهسهد وهك چاوا ل قامشلۆ ب گولهیان ل ههمبهر كودران راوهستیا ل عهفرینێ وتاخێن كوردی ل حهلهبێ ژی ههمان بهرسڤا هۆڤانه دان د ئهنجامێ ده هژمارهك ژ وهلاتیێن كورد ێن عهفرینێ شههید بوون .
ل عهفرینێ یهكسهر دوو وهلاتی شههید بوون گیڤارا عبدالحمید مصتفی ژ گوندێ حهسن دێرا و جلال كمال ژ گوندێ بێنێ وههر چوو راپهرین بهرفهره بوو و خهلگێ گوندان بهشدار كر و دروشمێن وان گرانتر بوون و زێده بوون .
تهڤێ كو رێژیمێ نهخوهست تهرمێن شههیدان رادهستی خهلكێ بكه لێ ب رژدبوون خهلكێ رێژیم نهچار بوو كو تهرمان رادهست بكه وب بهشدارییهك مهزن ژ خهلكێ ئهو تهرم ب خاك هاتن سپارتن وههروهها شههیدێن حهلهبێ ژی ههر یهك ژ ژنا كورد یا بناڤێ فریده أحمد ژ گوندێ چۆلاقا و ابراهیم محمد صبری ژگوندێ باعیدنو و ئاری فوزی ولو گوندێ قرت قلاق گهشتن عهفرینێ ئهو ژ ب خاك هاتن سپارتن .
پشتی وێ هلمهتا گرتن و رهڤاندنێ بێ سهر وبهر دهست پێكر و هژمارهك مهزن ل عهفرین و گوندێن وی و ههروهها تاخێن كوردی ل حهلهبێ هاتن گرتن و د زیندانێن رێژیمێ ده ب شێوهیكی هۆڤانه هاتن ئهشكهنجه دان ژ كهسێن كو هاتن بهلگهكرهن حسین حمو نعسو ژ تاخا زیدیێ یا عهفرینێ دبن شهكهنجهیێ ده شههید بوو ههروهها وهلاتیێ ب ناڤێ احمد دیكو ژ گوندێ قاسم یێ راجو ب تۆمهتا كو ل سهر رێژیما دئاخڤی هات بنچاڤكرن دبن ئهشكهنجهیێ ده شههید بوو .
بنچاڤكریێن كورد راستی دانوسناندهكه نه مرۆڤی هاتن و راستی ههموو جورێن شهكهنجهیێ هاتن و ل سهر بهشان دهاتن سهبست بهردان ول ههموو شاخێن ئهلوهییا رێژیمێ ره دهاتن گراندن
ژ بلی ههفت ناڤێن كو ژ ئالیێ ئاركێ ڤه هاته بهلگهكرن هن وهلاتیێن دن ب شێوه وئاواێن نهدیار ده وندا بوون و شههید بوون لێ تا نها نه هاتنه دیاركرن .
راپهرینا 12 ئادراێ وهك پهلكهك سبی د دیرۆكا رۆژئاڤایێ كوردستانێ ده هاتیه نڤیساندن كو بهریا ههر نهتهوهكێ ل سووریێ كوردان خوه چهسپاندن و ژ جیهانێ ره تهكهز كرن كو ئهو ئۆپۆزسیۆنا ههری راستهقینه ژ رێژیما دكتاتۆر ره كو د وێ دهمێ ده كوردان ژ خورت وجوانان و كهچا وژنان و كال وپیران بهشدا بوون و رێژم ل ههرێمن خوه رووخاندن .
ش.ع
566
