ئەمیندارییا گشتی یا ئەنەكەسێ داخویانییەك ژبۆ 12 ئادارێ دەرخست

ئیرۆ(11.3.2019)، ئەمینداریا گشتی یا ئەنجوومانا نشتیمانیا كوردی ل سووریێ (ئەنەكەسێ) دەربارێ دوزدەهێ ئادارێ دە داخویانیەك بەلاڤ كر وب رۆژا شەهیدێ كوردان ناڤ كر.

د داخویانییا ئەنەكەسی دە هاتییە، رۆژا دوزدەهێ مەها ئادارێ مللەتێ كورد ل سووریێ رۆژا شەهیدێ كوردا ڤەدژینە، ئەوژی ژبەر سالڤەگەرا پازدێ یا سەرهلدانا ئادارا پیرۆز یا كو دەهێ شەهیدان وهژمارەك مەزن بریندار كەتن و هاتن گرتن ل سەر دەستێ رێژیما بەعس، سەرباری وێ یەكێ دزی وشەوتاندن و تالانكرنا دوكان ومالێن مللەتێ كورد ل باژار و گوندێن كوردان ژ ئالیێ زلامین رێژیمێ و ل پێش دەزگەهین ئەولەهیێ ڤە هات كرن. ئەو یەك هەمی ڤینا مللەتێ كورد نەشكاند وسەرهلدانێ سەرانسەری كوردستانا سووریێ گرت وهەتا گەهشتە تاخێن كوردان ل باژارێن سووریێ یێن مەزن، سەرهلدانێ گوزارشت ل ڤینا مللەتێ كورد ژبۆ بدستخستنا ئازادێ و رەدكرنا هەمی سیاسەتێن شوفینی و رەگەزپەرەستیێ و بنپێكرنین شۆفینی دەرهەقێ مللەتێ وئارمانجا وێ تونەكرنا هەبوونا مللەتێ كورد بوو، كر.

سەرهلدانێ دیۆارێ ترس وتوقاندنێ شكاند ، وەك دەستپێكا راستەقینە بوو ژبۆ شۆرەشا سووریێ یاكو سالا (2011) دەستپێكر و هێزەكە مەزن دا خەباتا مللەتێ كورد و ل سەر هەمی ئاستێ ( كوردستانی و هەرێمی و ناڤدەولەتی )ژی.

ئەمینداریا گشتی یا ئەنەكەسێ دبێژە، ئەی مللەتێ مە یێ زوهلێز ..

رۆژا سالڤەگەرا شەهیدێ كورد ئیسال د باردۆخەكە ئالۆزدە تێ كو سوورێ بگشتی و كوردستانا سووریێ د قۆناغەكە چارەنڤیسی رە دەرباس دبە، پشتی ئۆپەراسیۆنێن لەشكەری كێم بوونە وراگهاندنا داویا رێخستنا داعشا تەرۆری نیزیك بووە، وئەنجوومانا نشتیمانیا كوردی ل سووریێ ، ژ دەستپێكا شۆرەشا سووریێ دە پابەند بوویە ب خەباتەكە سیاسی ئاشتییانە ووەكە بژاردەیەكە ئیستراتیجی ژبۆ ب داوی هاتنا زولم وستەمكارییا رێژیما ئەسەد ، وهەتا كو مللەتێ كورد بكاربە مافێن خوە یێن رەوا دگەل هەمی پێكهاتەێن سووریێ ودبن سێوانا نەتەوێن یەكگرتی و د محافلێن ناڤدەولەتی دە بدەستڤە بینە، وبەژداری ئۆپۆزسیۆنا نشتیمانی سووری ئاشتییانە بوویە ژبۆ داوێ ب لەشكەری كرنا جڤاكا سووریێ بینە، وهەمی هەولێن خوە یێن دبلۆماسی دكە ژبۆ چارەسەرییەكە سیاسی ژ كریزا سووریێ رە بینە و ئیدی داویێ ب قۆناغا كوشتن و وێرانكرن و كۆچبەریێ دەرهەقێ مللەتی بینە، وداوی بكارێ رێژیمەكە ناڤەندی گشتگیر بینە، وسووریایەكە دەمۆكرات ورەنگاورەنگ وپەرلەمانی یەكگرتی ژبۆ هەمی مللەتێ سووریێ.

ئەنەكەسێ دبێژە، ئەڤ قۆناغا كوك وردستانا سووریێ تێدە دەرباس دبە، قۆناغەكە هەستیارە و گەف ومەترسی ل سەر مە هەیە و ژمە هەمیان تێ خوەستن كو ئەم یەك بگرن و پابەندی ئارمانجین مللەت ودۆزا خوە بن ل سەر بنگەهێ پرۆژەیەكە نەتەوەی ونشتیمانی كوردی، ئەزمۆنا عەفرینا كوردستانی ئەزمۆنەك ئازاركێشە وئەنجاما بازارەكی ناڤدەولەتی بوو، وسیاسەتا پەیەدێ دای مەشاندن و هەتا نها بەردەوامە ل سەر وێ سیاسەتێ یا كو لەهیستوكێ ب چارەنڤیسا مللەتێ مە و پێشەرۆژا وی دكە، لەوما ئەم داخوازێ ژ جڤاكا ناڤدەولەتی ودەولەتێن پەیوەندی دار ب دۆسەیا سووریێ ڤە، داخواز دكن كو وان گرۆپێن چەكدار ومرتەزقێن كو ل عەفرینێ دزی و تالانكرن و كوشتن و رەڤاندنێ دكن وژیانا جڤاكی ل عەفرینێ وێران كرنە ول پێش چاڤێ دەولەتا توركێ ڤە ، دەرخن، ورادەستكرنا رێڤەبرنا ناڤچەیێ ژبۆ خەلكێ عەفرینێ یێن رەسەن وپۆلیسێن خوەجهی ژبۆ پاراستنا مللەتێ وێ ، هەتا كو دیتنا چارەسەرییەكە سیاسی گشتی ژ رەوشا سووریێ رە.

ئەنجوومانا نشتیمانیا كوردی ل سوورێ د داویا داخویانیا خوە دە بێژە، هەڤدەمی كو ئەم رۆژا شەهیدێ كوردی ڤەدژین، ئەم تەكەزی دكن كو خوینا وان وی نەچە رۆ دە، وئەمێ خەباتا خوە یا ئاشتیانە دگەل هەمی هێزێن حەزكریێن ئاشتی وئازادیێ بەردەوام بكن هەتا كو مللەتێ كورد بگە ئازادی و رۆمەتا خوە دگەل هەمی پێكهاتەێن مللەتێ سووریێ، وئەم داخوازێ ژ هەمی مللەتێ كورد دكن دا كو بەژدارێ د چالاكیێن سالڤەگەرا (12) ئادارێ دە بكن، مینا پێسختنا مۆمان د شەڤا (12) ئادارێ دە ل سەر هەمی بەلكۆن و ل پێش مالان.
رۆژ سێشەمێ (12) ئادارێ ، (5) دەقە بێ دەنگ ل سەر جانێ شەهیدان دەمژمێر (11) پێش نیڤرۆ راوەستن وپشترە سەردانا گۆرێن شەهیدان بكن و قەڤدێن گولان ل سر گۆرێن وان دانن.

ر.ع

467