سەركردەیەك د ئەنجوومانا نشتیمانییا كوردی سووری دە ئارمانج ژ هەڤدیتنا ئەنەكەسی ب ئەمەریكانا رە دا زانین

سەركەردەیەك كوردێ سووریێ ، دوه رۆژا چارشەمێ (20.2.2019)، تەكەز كر كو هەڤپەیمانییا ناڤدەولەتی یا كو ئەمەریكا سەركردایەتیا وێ ل سووریێ دە دكە ، بەرێ خوە ئیدی باش ددە رەوشا كوردی یا سیاسی دگەل دەرباسبوونا كریزا سووریێ ژبۆ قۆناغا چارەسەریێ، ودخوازە هەمی نەرینا د ڤێ دەربارێ دە وەربگرە و هەڤدیتنێن ئەنەكەسێ ب بەرپرسێن ئەمەریكی رە نیشانا وێ یەكێ ددە.

بشار امین، ئەندامێ پۆلیتبیروویا پارتیا دەمۆكراتا كوردستان – سوریا، و سەركردە د ئەنجوومانا نشتیمانی كوردی دە، گۆت:" هەڤدیتنا ئەنجوومانێ ب ئەمەریكانا رە وی نە یا داویێ بە... وئەو هەڤدیتن ژبۆ پەڤگوهەرتنا نەرینان بوو، وداناسینا نەرینا ئەنەكەسێ دەربارێ پێشەرۆژا هەرێمێ دە".

وهەروها گۆت:" وەكە ڤان هەڤدیتنان وێ ئەمەریكانا رە بەردەوام بە ژبۆ گەهشتن ب ئەنجامنە پراكتیكی ".

شاندا سەركردەیێن ئەنجوومانا نشتیمانییا كوردی ل سووریێ ، بەری سێ رۆژان ب شێوەرمەندێ یێ هەڤپەیمانییا ناڤدەولەتی ل سووریێ ، ولیام روباك، رە د بنگەها لەشكەری یا ئەمەریكی ل باشووریێ كۆبانێ دە، جڤی بوو.

امین، دا زانین كو هەڤپەیمانییا ناڤدەولەتی ی اكو ئەمەریكا سەركردایەتییا وێ ل سووریێ دكە، ئیدی باش گرنگێ ددە رەوشا كوردان و دخوازە ناڤچەیا ئارام كو هاتن ئاڤاكرن دبن چاڤدێریا هەڤپەیمانییا ناڤدەولەتی دە بە و دخوازە نەرینێن ئەنەكەسی ڤێ دەربارێ دە وەربگرە".

سەركردەیێ ئەنەكەسی گۆت:" دڤێ ئەمەریكان باش كار بكن ژبۆ ئاڤاكرنا رێڤەبەریەكە نوو ژ دەڤەری رە و هەمی پێكهاتەین دەڤەرێ د ناڤا وێ دە جه بگرن و هەڤدەمی وێ یەكێ پێشمەرگەیێن رۆژ دگەل هێزێن دن ژ پێكهاتەێن دەڤەرێ پاراستنا ئەولەهی و ئارامییا وێ بكن".

دەربارێ هەولێن رێژیما ئەسەد ژبۆ كۆنترۆلكرنا دەڤەرێ، بشار امین گۆت:" رێژیم ب ئالیكارییا رۆسان دڤێ دەربارێ دە دخەبتە، وهنەك هێز وچەكدار ژ دەڤەرێ خوە ژی پشتەڤانییا وێ یەكێ دكن، هەر دناڤبەرا دەم ودەمەكی دە ژی، ئەم دبهیزن ئەو هێزنە دچنە دیمەشقێ ئانگۆ شامێ ، ژبۆ بجه كرنا وێ پرۆژەیێ.

سێ شاندێن ژ كوردستانا سوورێ بەرێ سەردانا شامێ بەری حەفتییەكێ كربوو، شاندا یەكێ پەیەدێ بوو و یا دن ژی ژ پارتییا پێشڤەرۆا كورد ل سووریێ بوو و شاندا دن ژی یا هێزێن صنادید یا حمێدی دهام بوو.

ر.ع

551