ڕیژیما ئەسەد دەست ب سەر مالێن شۆرەشگەرێن دەرعا دە گرت
رێژیما ئەسەد بەردەوامە د فشارێن خوە دە ب هەمی ئاوایی ل سەر سڤیل و شۆرەشگەرین دەرعا دە، رێژیم ئیدی رێ نادە مللەتێ سڤیل یا شەرڤانێن بەرێ د ناڤا ئارتێشا ئازاد دە، دەست ب مال ومولكێن خوە بدن ل پارێزگەها دەرعا، ئەو ژی ب ئارمانجا تەنگكرنا تەڤگەرێ ل سەر شۆرەشێ و بهێزكرنا دوورپێچكرنا خوە یا ئەولەهی ل وێ پارێزگەهێ.
چالاكڤانێن خوەجهی یێ دەرعا دا زانین، كو دەزگەهێن رێژیما ئەسەد دەست دانییە سەر مالێن گەلەك ژ خەلكین سڤیل یێن كو تەڤلی شۆرەشی بوونە وهنەك ژ وان كو دناڤا ئەنجوومانێن خوەجهی ودەزگەهین ئالیكارێن ژبۆ مللەت .
چالاكڤانان هەروها دازانین كو، رێژیما ئەسەد دەست دانییە ل سەر مالێن ڤەگوهێز ونەڤەگوهێز یێن سەركرد یان ئەندامێن بەرێ یێ ئارتێشا ئازاد ، چ كەسێن كو د باژێر دە مابوون یان ژی دگەل پەنابەران كۆچبەربوونە ناڤچەیێن باكۆرێ سووریێ.
دەزگەهین رێژیمێ خەلكێدەرعا و شۆرەشگەران نەچار دكە د كرین وفرۆشتنا هەر مولكەكی خوە دە، رەزامەندییا ئەمنی ئانگۆ ئەولەهی ژ دەزگەهین ئەولەهی یێن رێژیمێ وەربگرن و ئەو رەزامەندی نادە كەسەكی كو تەڤلی هێزێن رێژیما ئەسەد نەبن.
هەڤدەمی وێ یەكێ، رێژیم فشارێ دكە سەر مللەت و كەسێن شۆرەشگەر و ب دەهان ئۆپەراسیۆنین گرتنێ و رەڤاندنێ ل پارێزگەها دەرعا ئەنجام دایە .
ژ ئالیێ خوە ڤە، هەڤپەیمانییا نشتیمانی یا هێزێن شۆرەشێ وئۆپۆزسیۆنا سووریێ، تەكەز كر كو ب ئاوایەكە رۆژانە رێژیم فشارێ دكە سەر سڤیلان ل ناڤچەیێن كو رێژیمێ داگیركرنە ودەستێ خوە دانیە سەر مالێن ولاتیان و وپشتی هەشت سالان ژ شۆرەشێ هێژی رێژیم ب هەمان هزر و عەقلیەتێ ل دژی مللەتێ سووریێ رەفتار دكە.
پشتی دەست دانینا رێژیمێ ل سەر باشووریێ سووریێ ، یەكسەر بریارا دەست دانینێ ل سەر مال ومولكێن هنەك كەسایەتێن باژێر دەرخست و دناڤا وان دە ژی ژن و پزیشك و رۆژنەمەڤان وسڤیل ژی هەنە، ئەوژ ب هانەیا كو ئەو كەسنە تەرۆری نە.
ر.ع
645
