رێڤەبەرییا پێشخابورێ راگهاندنەك بەلاڤ كر

رێڤەبەرییا دەرگەهێ پێشخابورێ یێ سنۆری دناڤبەرا هەرێما كوردستانێ و كوردستانا سووریێ دە، راگهاندنەك ژبۆ خەلكێ كوردستانا سووریێ دەرخست .

ئیرۆ، رێڤەبەرییا دەرگەهێ سنۆری یێ پێشخابورێ بریارەكە نوو دەرخست و تێدە ماوەیا سەردانا هەرێما كوردستانێ ژبۆ وەلاتیێن كوردستانا سووریێ دیاری كر كو بەرێ هەر وەلاتیەك كوردستانا سووریێ كو سەردانا هەریما كوردستانێ بكە ، ژبۆ وی هەیە تەنێ پازدەه رۆژان ل هەرێما كوردستانێ بمینن، لێ نها بریارەكە نوو دەركەت و ژبۆ هەر وەلاتییەك كوردستانێ سووریێ هەیە ودكارە هەیڤەكێ بمینە، و هەر كەسێ زێدەترێ وێ مۆلەتێ بمینە دێ ژبۆ هەر رۆژەكێ سەرپێجی و دەرنگ كەتنێ وێ بیست هەزار دیناری عێراقێ بدە وەكە باج و ئەو بریار دێ رۆژا هڤدەیێ ڤێ مەهێ بكەڤە واری جه بجهكرنێ دە.

نوونەراتیا ئەنجوومانا نشتیمانیا كوردی ل سووریێ ل هەرێما كوردستانێ كۆپێەكە ژ وێ راگهاندنێ ل سەر مالپەرا خوە یا تۆرا جڤاكێ یا فێسبۆكێ بەلاڤ كرییە وتیدە داخواز ژ وەلاتێن كوردستانا سووریێ كر كو ئاگاهدار بن و هشیاربن ژ راگهاندنا وێ بریارێ .

دەرگەهێ پێشخابورێ یێ سنۆری تێ رێڤەبرن ژ ئالیێ حكوومەتا هەریما كوردستانێ و ژ دەستپێكا شۆرەشا سووریێ ڤە ئەو دەرگە ل همبەر وەلاتێن كوردستانا سووریێ ڤەكرییە و خزمەتا وەلاتیێن كوردستانا سووریێ و نەخوەش دكە و لڤ وتەڤەگەرەكە بازرگانی ژی د رییا وی دەرگەهی رە تێ كرن و ژ ئالیێ كوردستانا سووریێ ڤە ژی پەیەدێ دەرگەهێ سێمالكا یێ سنۆری ب رێڤە دبە.

ر.ع

581