دهمسالا هناران ل عهفرینێ
ل عهفرینا رۆژئاڤایێ كوردستانێ دهمسالا هناران بهرڤ داویێ ڤه دچه وژبهر بهربهلاڤبوونا دزیا بهرههمێن چاندینێ ل گوند وناڤچهیان وژبهر رهوشا شهر چۆتكاران بهرههمێن دهمسالا ههناران بهریا دهما وێ چنین ونهچار بوون ب نرخهكی ئهرزان بفرۆشن .
ژێدهركه ئاگاهدار ژ ناڤه عهفرینێ ژ ئاركێ ره راگهاند كو وهك چاوا هن بهرههم ل هن گوندان هاتن دزین جۆتكار ژ بۆ كو بهرههمێن هناران ژ دزیێ بپارێزن نهچار بوون بهریا دهما وێ دارێن خوه بچنن و ب نرخهكی ئهرزان ل عهفرینێ فرۆتن .
دهربارێ نرخێ هناران ژێدهرێ تهكهز كر كو یهك كیلۆ ب پێنجی تا شێست لێرهێن سووری هاته فرۆتن ژبهر كو بهرههم ژ عهفرینێ دهرنهكهت و رێ ههموو گرتی بوون وب تایبهت رییا حهلهبێ ئهو یهك بوو سهدهما كو هن چۆتكار بهرههمێن خوه ل گوندان وكۆلانێن عهفرینێ بفرۆشن.
ژێدهرێ ههروهها گۆت كو بهراوهردی ب پهرهێن سهر گوهدانا دارێن ههناران ژ سالێ تا سالێ تێنه خهرجكرن 50 لێره نرخهكه گهلهكی كێم وئهگهر رییا حهلهبێ بهاته ڤهكرن وێ ب نرخهكی باش بهات فرۆتن لهوما راستی زیانهكه مهزن هاتن .
عهفرین ن بهتێ ب دارێن زهیتوونان ناڤهدار لێ بهلێ دارێن هناران ژی كو ل ئاستا بهرههمێن داران د قۆناغا دوویهم ده پشتی زهیتوونان تێن و دهردۆرا دوو ملیۆن دار ل چیاێ كورمێنج ههنه بتایبهت ل دهڤهرا شێراوا گوندێ باسووتێ برجێ غزاویێ عێن دارێ وگوندێن باشوورێ عهفرینێ .
بهریا شهرێ عهفرینێ و دهسههلاتداریا پهیهدێ بهرههمێن هناران ژ بۆ پارێزگههێن سووریێ دهاته شاندن ههروهها بهشهك ژبۆ وهلاتێن دهردۆرا سووریێ وهك توركیێ وعێراقێ ههرێما كوردستانێ ژی دهات شاندن لێ نها ژبهر كو ریێن دهردۆرێ گرتینه ههروهها د دهما پهیهدێ ژ بهر عهفرینێ دۆرپێچكری بوو بهرههم دناڤ عهفرینێ ده دمان وب نرخهكی ئهرزان دهات فرۆتن .
ش.ع
711
