هێزێن توركی و روسی ل ئدلبێ كەتنە تەڤگەرێ دە
ارك نیوز .. پشتی ئەنجامدانا لۆتكەیا توركی – روسی ل موسكۆیێ پایتەختا روسیا ناڤبەرا هەردوو سەرۆكان دە پۆتین و ئەردغان جاردن باژارێ ئدلبێ كەتە روژەڤێ دە .
د بیست و سیێ ڤێ مەهێ دە هەڤدیتنەك ناڤبەرا رەجەب تەیب ئەردۆغان سەرۆكێ توركیێ و فلادیمێر پۆتین سەرۆكێ روسیێ ل مۆسكۆیێ هاتە ئەنجام دان و دەرئەنجامێن وێ هەڤدیتنێ دە د كۆنگرەكی رۆژنەمەڤانی هەڤبەش دە هاتە ئەشكەرەكرن كو سەرۆكێ روسیێ فلادیمێر پۆتین دەرباری باژارێ ئدلبێ گۆت كو هەردوو وەلات د هەولێن خوە دە ژبۆ پەیداكرنا ئەولەهی و جێگریێ ل دەڤەرێ بەردەوامن هەروەها ئەوێ د شەرێ لدژی گروپێن چەكدار بتایبەتی دەستەیا تەحریر ئەلشام دە ل وێ دەڤەرێ بەردەوامبن تاكو ب یەكچاری وەرنە ژناڤبرن.
پۆتین هەروەها دیار كر كو پشتی باژارێ ئدلبێ د ڤێ دەما داویێ دە كەتە بن كۆنترۆلا دەستەیا تحریر الشام دە رەوشا ئدلبێ خراب بوویە و رۆژ ب رۆژ تێك دچە كو سەرۆكێ توركیی ژی ژ ئالیێ خوەڤە ئەڤ یەك تەكەز كر ژبەر ڤێ یەكێ توركیێ و
روسیێ وێ د شەرێ خوە دە لدژی رێخستنێن تەرۆریستی یێن كو لباژارێ ئدلبێ دمینن بەردەوامبن .
سەرۆكێ روسیێ هەروەها د وی گۆنگری دە بال كشاند سەر دانوستاندنێن ناڤبەرا هەردوو وەزیرێن بەرەڤانیێ یێن روسیا و توركیێ دە دەرباری لڤ و تەڤگەرو ستاندنا تەدابیرێن پێویست و گرنگ ب شێوەیەكی بلەز و یەكسەر ژبۆ چارەسەركرنا رەوشا ئدلبێ بێ كو شێوەیێ وان تەدابیران ئەشكەرە بكە .
د حڤدەهێ ئیلوونا بووری دە توركیێ و روسیێ گهشتن رێكەفتنەكێ دەرباری دەڤەرا بێ چەك لباژارێ ئدلبێ ب مەرجێ دەرخستنا گروپێن چەكدار لگەل چەكێن خوە یێن گران ژ دەڤەرێ .
ل.ع
291